Qazirgi megapolıster ýrbanızasıa, klımattyń ózgerýi, kólik júktemesiniń artýy men aýanyń lastanýy sekildi keshendi syn-qaterlerge tap bolyp otyr. Mundaı máselelerdi sheshý akademıalyq saraptamany, ınovasıalyq tehnologıalardy jáne memleket, bıznes pen qoǵam arasyndaǵy tıimdi ózara árekettestikti talap etedi.
Osy saladaǵy negizgi halyqaralyq platformalardyń biri - «Smart City Expo» dúnıejúzilik kongresiniń bóligi bolyp tabylatyn Tomorrow City Shanghai, ol tájirıbe almasý jáne qalany turaqty damytýdaǵy ozyq tájirıbeni ilgeriletý úshin katalızator qyzmetin atqarady.
2025 jylǵy 2-6 qyrkúıek aralyǵynda ótken bul is-shara Azıa-Tynyq muhıty aımaǵynyń jetekshi sarapshylaryn, memlekettik organdardyń ókilderin, bıznestiń jáne ýnıversıtetterdiń kóshbasshylaryn biriktirdi. Baǵdarlama aıasynda paneldik pikirtalastar, kórmeler, ınovasıalyq sheshimderdiń tanystyrylymdary, sondaı-aq ındýstrıa ókilderimen jabyq kezdesýler uıymdastyryldy. Qatysýshylar Shanhaıdyń kásipkerlikti qoldaý ortalyqtarynan bastap startap-habtaryna deıingi ýrbanıstıkalyq jáne ındýstrıalyq damý tájirıbelerimen tanysty.
Qazaqstan atynan forýmǵa Almaty Management University (AlmaU) delegasıasy qatysty. Onyń quramynda:
Sholpan Tazabek, ǵalamdyq áriptestik jónindegi prorektor;
Zarına Daýletkan, Ýrbanıstıka ınstıtýtynyń dırektory;
Aınur Jubanova, Ýrbanıstıka ınstıtýty dırektorynyń orynbasary.
AlmaU ókilderi konferensıanyń ártúrli formattaryna qatysty, onyń ishinde: «City Show: Demonstration Project for Green Community Transition», «Close Door Meeting», «Thematic Roundtable: Tomorrow's Cities and Future Talent: A Revolution in Urban Education and Skills for a New Era».
Ýnıversıtet Green and Safe Streets jobasyn tanystyrdy. Joba qalalyq josparlaý júıesine taktıkalyq sheshimderdi engizýge baǵyttalǵan.
«Almaty mysalynda biz shaǵyn taktıkalyq sheshimderdiń qalalyq josparlaý júıesine júıelik turǵydan eleýli yqpal ete alatynyn kórsetip otyrmyz. AlmaU memlekettik qurylymdarmen jáne akademıalyq qaýymdastyqpen ornyqty áriptestik ornatyp, birlesken zertteýler men jobalardy júzege asyrýǵa umtylady», - dep atap ótti Zarına Daýletkan.
Anyqtama:
Almaty qalasy - AlmaU úshin qala qurylysy salasyndaǵy jańa ıdeıalardy júzege asyrýdyń biregeı alańy. Jan-jaqty turaqty damýdy qamtamasyz etý maqsatynda ýnıversıtet qala Ákimdigimen jáne Almaty qalasyn damytý ortalyǵymen strategıalyq bastamalar men uzaq merzimdi jobalardy qalyptastyrýda mańyzdy ról atqaratyn yntymaqtastyqty nyǵaıtýdy kózdeıdi.
İs-sharaǵa qatysýdyń nátıjesinde AlmaU Ýrbanıstıka ınstıtýty halyqaralyq deńgeıde moıyndaldy. Green and Safe Streets jobasy «Aqyldy qala ınfraqurylymyndaǵy úzdik joba» nomınasıasynda jeńimpaz atandy. Sonymen qatar, «Ýrbanıstıka jáne sıtı-menedjment» bilim berý baǵdarlamasynyń túlegi Dinmuhammed Ýshpaev daıyndaǵan Aerial Traffic & Logistics Analysis System dronyna jeke marapat tabystaldy.
İs-sharaǵa erekshe mán bergeni, marapattardy Shanhaı qalasynyń bas josparlaýshysy, profesor jáne Týnszı ýnıversıtetiniń burynǵy vıse-prezıdenti Vý myrza tabys etti.
«2010 jyldan keıin qoǵamda aıtarlyqtaı mentaldyq ózgerisi baıqaldy: qalany tek qana turmysqa arnalǵan keńistik retinde qabyldaýdan, ony adamǵa baǵyttalǵan orta retinde túsinýge betburys jasaldy. Negizgi nazar qalalyq ómir sapasy, áleýmettik ózara árekettestik jáne turaqty damý tujyrymdamalaryna aýdy. Bul turǵyda ýrbanızm qala turǵyndarynyń kúndelikti ómirin jaqsartýǵa baǵyttalǵan bilim men tájirıbe júıesi retinde qarastyrylady», - dep atap ótti Vý myrza.
İssapar aıasynda AlmaU ókilderi emlyon jetekshi fransýz bıznes mektebiniń azıalyq fılıalynda da boldy. Bıznes AlmaU- dyń seriktesi bolyp tabylady. Kezdesý barysynda Shanhaıdaǵy emlyon kampýsymen yntymaqtastyqtyń perspektıvalyq formattary, sonyń ishinde jergilikti bilim berý modýlderin uıymdastyrý jáne qysqa merzimdi akademıalyq utqyrlyq baǵdarlamalaryn júzege asyrý talqylandy.
Bul jetistikter ǵylymı zertteýlerdi, bilim berý úderisin jáne ınovasıalyq tájirıbeni yqpaldastyrýdyń tıimdiligin dáleldeıdi. Sonymen qatar AlmaU-dyń ózekti qalalyq syn-qaterlerdi sheshýge arnalǵan naqty quraldardy qalyptastyratyn ýnıversıtet retindegi pozısıasyn nyǵaıta túsedi.