Almaty qalasy men Túrkistan oblysynyń ákimdikteri Erte pisken jylyjaı qyryqqabatynyń tikeleı jetkizilimi jónindegi ózara yntymaqtastyq týraly memorandýmǵa qol qoıdy, dep habarlaıdy Almaty-akshamy.kz
Kóshpeli keńes barysynda taraptar Túrkistan oblysynyń Saryaǵash, Keles jáne Saıram aýdandaryndaǵy sharýashylyq qojalyqtardy baryp kórdi.
Qol jetkizilgen kelissózder sheńberinde 2022 jylǵy 15 sáýirden bastap, 15 mamyrdy qosa alǵandaǵy kezeńde Almatynyń saýda jelilerine tikeleı sharýashylyq alqaptarynan satyp alý baǵasy bir kelisi úshin 140 teńge bolyp bekitilgen baǵa boıynsha 550 tonna («Magným» saýda jelisine – 300 tonna, «Smoll» saýda jelisine – 200 tonna, «Toımart» saýda jelisine – 50 tonna) qyryqqabat jetkiziletin bolady. Bul rette sóredegi bólshek saýda baǵasy bir kelisi úshin shamamen 185 teńgeni quraıdy.
Sondaı-aq, memorandýmǵa sáıkes, 2022 jylǵy maýsymnan bastap, egis alqabynda ósirilgen qyryqqabattyń shamamen 2 myń tonna mólsheriniń úzdiksiz jetkizilimi uıymdastyrylatyn bolady.
Qabyldanǵan sharalar qyryqqabattyń baǵasyn ustap turýǵa, áleýmettik mańyzy bar ónimge baǵanyń negizsiz ósýine jol bermeýge múmkindik beredi.