30 maýsymǵa deıin halyqtyń 58% revaksınasıamen qamtyldy
Almatyda halyqty koronavırýs ınfeksıasyna qarsy vaksınasıa jáne revaksınasıa jumysy jalǵasyp jatyr, dep habarlaıdy Almaty-akshamy.kz.
Almaty qalalyq sanıtarıalyq-epıdemıologıalyq baqylaý departamenti taratqan málimetke sáıkes, 2021 jyldyń 1 aqpany men 2022 jylǵy 30 maýsym aralyǵynda koronavırýs ınfeksıasyna qarsy ekpeniń birinshi dozasy 1,2 mln adamǵa egildi.
Onyń ishinde vaksınanyń eki komponentin 1,1 mln astam adam alǵan.
«Komırnatı» vaksınasynyń (Pfizer ) birinshisi dozasyn - 98 myń, ekinshi dozasyn - 91 myńnan astam adam saldyrdy, bul- ekpe alýǵa tıis halyqtyń 94%. Sonymen qatar, halyqqa revaksınasıa júrgizý jumysy da jalǵasyp jatyr. Bıylǵy jyldyń 30 maýsymyna deıin halyqtyń 58% revaksınasıamen qamtyldy»,- dep habarlady departamentten.
Qala boıynsha vaksınasıa júrgizetin 64 egý pýnkti jumys istep tur.
«Búgingi kún3 egý pýnkterinde QazVas vaksınasynyń - 124 453 dozasy, Vero Cell Sınofarmnyń -185 112 dozacy bar. Al Pfizer vaksınasynyń 6 123 doza bar, shamamen taǵy 10 myń doza kútilýde. Qala halqyn koronavırýs ınfeksıasyna qarsy vaksınalaý úshin jetkilikti mólsherde vaksınamen qamtamasyz etilgen»,- dep naqtylady Almaty qalalyq sanıtarıalyq-epıdemıologıalyq baqylaý departamentiniń baspasóz qyzmeti.