Naızaǵaı oınap, burshaq jaýýy múmkin
Sınoptıkter Qazaqstanda 1 shildege arnalǵan aýa raıy boljamyn usyndy: respýblıkada naızaǵaı oınap, burshaq jaýady, jel kúsheıedi, tuman túsedi, dep habarlaıdy Almaty-akshamy.kz.
«Qazaqstannyń batysynda, shyǵysynda jáne ońtústik-shyǵysynda atmosferalyq frontaldy ýchaskeler áserin saqtaıdy, soǵan baılanysty aýa raıy qubylmaly bolady: batysta naızaǵaı oınap, burshaq jaýýy múmkin. Respýblıka boıynsha jeldiń kúsheıip, túnde jáne tańerteń Qazaqstannyń soltústiginde tuman kútiledi»,-delingen «Qazgıdromet» RMK taratqan málimette.
Boljam boıynsha, kúndiz Almatynyń soltústiginde, Jetisý, Mańǵystaý oblystarynyń ońtústiginde qatty ystyq saqtalady.
«Qyzylordanyń basym bóliginde, Almaty, Abaı oblystarynda, Batys Qazaqstannyń ońtústiginde, Atyraýdyń batysynda, Ulytaýdyń ońtústik-batysynda, Qaraǵandynyń ońtústik-shyǵysynda, Jambyl oblysynyń ońtústiginde, Pavlodar oblysynyń ortalyǵynda, Túrkistan oblysynyń soltústiginde tótenshe órt qaýpi saqtalady», – dedi sınoptıkter.