Kúlli musylman úshin ulyq sanalatyn Qurban Aıt merekesi bıyl 9 shildede bastalady, dep habarlaıdy Almaty-akshamy.kz «Habar 24» telearnasyna silteme jasap.
Bas múftı búgin osyny málim etti. Bul kúnderi musylmandar Jaratýshynyń razylyǵy úshin qurban shalyp, joq-jitikke, jaǵdaıy jutań jandarǵa kómektesedi. Qurbandyqqa qoı, eshki, sıyr ıakı túıe shalýǵa bolady. Quranda aqyl-esi durys, balıǵat jasyna tolǵan musylmanǵa, onyń ishinde jolaýshy emesterge jáne negizgi qajetterden tys nısap mólsherindegi qarjyǵa ıe bolǵandarǵa qurban shalý – ýájip delingen.
Bas múftı halyqty pendeshilikke salynbaı, paıda tabý men alypsatarlyqqa barmaı, mal baǵasyn qymbattatpaýǵa, halyqtyń jaǵdaıyn eskerýge shaqyrdy. Qasapshylar da óz qyzmetine alatyn aqysyn ósirmeı, janashyrlyqpen elge qyzmet eter dep úmittenedi.