Hadısha Bókeeva atyndaǵy Batys Qazaqstan oblystyq qazaq drama teatry Almaty qalasyna gastróldik saparmen kele jatyr, - dep habarlaıdy Aqshamnews.kz tilshisi.
Táýelsizdik alǵannan keıin qurylǵan teatrlardyń biri — Batys Qazaqstan oblysyndaǵy Hadısha Bókeeva atyndaǵy qazaq drama teatry. Hadısha teatry ulttyq sahna óneriniń uly kóshbasshylary salǵan joldaǵy ulaǵatty da dástúrli úrdis qundylyqtardy saqtaı otyryp, shyǵarmashylyq jańa belesterge jetý jolynda, izdenis qarymyn jan-jaqty shyńdap keledi. Memlekettiń rýhanı-mádenı keńistiginde aıanbaı eńbek etip júrgen ónerdiń qara shańyraǵy.
Atalmysh ujym 2025 jyldyń 7, 8, 9, 10 qazan kúnderi Almaty qalasynda gastróldik saparda bolady. Ónersúıer qaýymǵa teatr repertýaryndaǵy tańdaýly klasıkalyq, álemdik jáne zamanaýı dramatýrgıadan úzdik qoıylymdaryn jáne kishkentaı kórermenderge arnalǵan ertegilerin usynady. Sonymen qatar bıylǵy jyly rýhty aqyn Juban Moldaǵalıevtiń 105 jyldyǵy men Nurǵısa Tilendıevti 100 jyldyǵy aıasynda tulǵalardyń asyl murasyn nasıhattap, jas býynǵa eldik rýh pen mádenı qundylyqty jetkizý maqsatynda qoıylǵan spektáklder de bar.
Ár qoıylym – sahnadaǵy shynaıy sezim, akterlik sheberlik pen kórkemdik izdenistiń toǵysy.
Gastróldik sapar – óner arqyly óńirler arasyndaǵy mádenı baılanysty nyǵaıtý, qazaq teatr ónerin keńinen dáriptep odan ári damytýǵa úles qosatyn ıgi qadam bolmaq.
GASTRÓLDİK QOIYLYMDAR KESTESİ:
7, 9, qazan 11.00 - A.Alaman «JALQAÝDYŃ JYRY» ertegi
8, 10 qazan 11.00 –O.Áýbákirov «MEN CHEMPION BOLAMYN» ertegi
7 qazan 18.30 – A.Baqtygereeva, M.Omarova «JUBAN» poetıkalyq drama
8 qazan 18.30 – A.Volodın «SENİ SAǴYNDYM» psıhologıalyq drama
9 qazan 18.30 – N.Saýdanbekuly «MUQAǴALI-NURǴISA» drama
10 qazan 18.30 — N.V.Gogol «REVIZOR» komedıa
ÓTETİN ORNY: Ǵ.Músirepov atyndaǵy Qazaq Memlekettik Akademıalyq balalar men jasóspirimder teatry. Almaty qalasy, Abylaıhan dańǵyly, 38