Elde bolý erejelerin saqtamaǵany úshin sheteldik azamattar Qazaqstannan qýyldy.
Polıseıler sheteldikterdiń Qazaqstan Respýblıkasynda bolý erejelerin buzýshylyqtaryn anyqtaý maqsatynda Almatyda «Kelimsek» jalpyrespýblıkalyq jedel aldyn alý is-sharasyn bastady, dep habarlaıdy Almaty-akshamy.kz.
İshki ister mınıstrliginiń resmı saıty habarlaǵandaı, is-shara 7 maýsymda bastalyp, 16 maýsymdy qosa alǵanǵa deıin jalǵasady.
Mamandardyń aıtýynsha, atalmysh shara sheteldikterdiń Qazaqstandaǵy quqyqtyq mártebesin retteýge baǵyttalǵan.
«JAİ-nyń alǵashqy kúniniń qorytyndysy boıynsha, shaharda barlyǵy 166 kóshi-qon zańnamasyn buzýshy anyqtaldy jáne ákimshilik jaýapkershilikke tartyldy, 16 sheteldik Qazaqstan Respýblıkasynan shyǵaryldy. Qazaqstan Respýblıkasynda bolý erejelerin buzǵany úshin 86 sheteldik jaýapkershilikke tartyldy. Sheteldikterdiń Qazaqstan Respýblıkasynda bolý zańdylyǵyn qamtamasyz etý jónindegi sharalardy qabyldamaǵany úshin otandastarymyzdyń ishinen 72 qabyldaýshy jaýapkershilikke tartyldy. QR sheteldik jumys kúshin tartý erejelerin buzǵany úshin 8 jumys berýshi jaýapkershilikke tartyldy», – dedi Almaty qalalyq PD kóshi-qon qyzmeti basqarmasynyń bastyǵy Asqat Býtýnchınov.