Bul jer 2007 jyly jeke menshikke berilgen.
Almatyda «Ońtústik» saıabaǵynyń jer telimin memlekettik qajettilik úshin qaıtaryp alý rásimi aıaqtaldy, dep habarlaıdy Almaty-akshamy.kz
Eske salsaq, 2007 jyly Bostandyq aýdanyndaǵy Sı Sınhaı kóshesiniń ońtústiginde, Jarokov kóshesiniń shyǵysynda (kad. № 20-313-011-518) jer telimi kóp qabatty turǵyn úı salý jáne paıdalaný úshin «Turkuaz Invest» JSHS jeke menshigine berilgen bolatyn (Almaty qalasy ákimdiginiń 08.11.2007 j. №9/1097-39 qaýlysy). Keıin ýchaske «Jusan Property» JSHS-ne berildi.
Almaty ákimi Erbolat Dosaevtyń Bostandyq aýdany turǵyndarymen kezdesýleriniń birinde qala turǵyndarymen atalǵan jer ýchaskesin memlekettik menshikke alý jáne saıabaqqa abattandyrý jumystaryn júrgizý qajettiligi týraly bastama kóterilgen bolatyn.
2022 jylǵy 5 qazanda Almaty qalasy mamandandyrylǵan aýdanaralyq ekonomıkalyq sotynyń sheshimimen ákimdiktiń jer ýchaskesin memleket qajettiligine qaıtarý jónindegi talaby qanaǵattandyryldy, ótemaqy somasy 2 338 817 000 teńge mólsherinde aıqyndaldy (sarapshylardyń 2022 jylǵy 21 qyrkúıektegi № 5386 qorytyndysyna sáıkes). 2022 jylǵy 22 jeltoqsanda Almaty qalalyq soty birinshi satydaǵy sottyń sheshimin ózgerissiz qaldyrdy. 2023 jylǵy 13 qańtarda ótemaqy somasy «Jusan Property» JSHS-ne aýdaryldy.
Qazirgi kezde Almaty qalasynyń ekologıa jáne qorshaǵan orta basqarmasy «Ońtústik» saıabaǵyn abattandyrý boıynsha jobalaý-smetalyq qujattamany ázirleý úshin qajetti qujattardy daıyndaýda.