Ýaqytsha karantındik úzilisten keıin sırk ártisteri kópshilikke sý jańa úzdik qoıylymdaryn usynyp otyr
Qazaq memlekettik sırki «Eksentrıka» atty baǵdarlamasymen óz kórermenderine qaıta esigin ashty. Ýaqytsha karantındik úzilisten keıin sırk ártisteri kópshilikke sý jańa úzdik qoıylymdaryn usynyp otyr, dep habarlaıdy Almaty-akshamy.kz Almaty.tv-ge silteme jasap.
Aıta ketý kerek, atalǵan baǵdarlama qaıyrymdylyq negizinde balalar úıi tárbıelenýshileri men múmkindigi shekteýli balalarǵa arnalǵan.
«Búgingi baǵdarlama tek balalarǵa ǵana emes, sonymen qatar, eresekterge de qyzyqty bolady degen oıdamyn. Qoıylym dınamıkalyq túrde, úzilissiz ótedi. Balalar úshin kloýndar men janýarlardan ózge, áýeni baǵyndyrǵan akrobattar óner kórsetedi», – dedi qoıýshy rejıser Marına Redko.
Óz bastaýyn kóshpeli ómir saltynan bastaǵan sırkte batyldyq tanytpaý, qaısar bolmaý múmkin emes. Ikemdilik pen sheberliktiń úılesimin tapqan áýe gımnastıkasy búgingi qoıylymǵa ózgeshe óń berdi. Kórermenderine erekshe nómir ázirlegen ártister búgingi tusaýkeserge tyńǵylyqty daıyndaldyq deıdi.
«Meniń qoıylymym – adamdardyń bir-birine ǵashyq bolǵan kezdegi emosıalary men sezimderi týraly. Akterlik sheberlik pen sırk trúkteriniń arqasynda men osy sezimderdi kóremenderge jetkizetin bolamyn», – dedi áýe gımnasy Irına Hramenko.