5 qarasha kúni Bilim basqarmasynyń qoldaýymen Almaty sán jáne qyzmet kórsetý salasy kolejinde «Zań jáne tártip» tujyrymdamasy aıasyndaǵy profılaktıkalyq dáris ótti.
İs-sharany kolej dırektorynyń oqý-tárbıe isi jónindegi orynbasary Omarova Kúnimaı Nurlybaevna uıymdastyrdy.
Búgingi kezdesýdiń qonaǵy – ómirlik tájirıbesi mol, Almaty qalalyq prokýratýrasynyń ardageri Seıtqazıeva Gúlmıra Inátovna.
Sizderge óz tájirıbesinen mysal keltire otyryp, zańǵa baǵynýdyń mańyzyn túsindirmek.
Profılaktıkalyq dáristiń maqsaty – stýdentter men jastardyń quqyqtyq saýattylyǵyn arttyrý, zań talaptaryn oryndaýdyń mańyzyn túsindirý, quqyq buzýshylyqtyń aldyn alý jáne azamattyq jaýapkershilik sezimin qalyptastyrý.
İs-sharany Almaty sán jáne qyzmet kórsetý salasy kolejiniń dırektory Djýnısalıev Janbolat Smanuly ashyp berip, stýdentterge izgi tilekterin bildirdi.
Dáris barysynda tyńdaýshylarǵa Qazaqstan Respýblıkasynyń Konstıtýsıasy, Qylmystyq kodeksi jáne Ákimshilik quqyq buzýshylyq týraly kodeksiniń negizgi baptary túsindirilip, naqty ómirlik mysaldar keltirildi.
Sondaı-aq, jastar arasynda kezdesetin quqyq buzýshylyq túrleri – usaq buzaqylyq, kıberbýllıng, áleýmettik jelidegi zańsyz áreketter, jol qozǵalysy erejelerin buzý máseleleri talqylandy.
Zań men tártip – memleketimizdiń berik irgetasy. Ár azamat zańdy qurmettep, tártip saqtaǵanda ǵana qoǵamda turaqtylyq pen ádildik ornaıdy.
Qoǵamdaǵy turaqtylyq pen qaýipsizdiktiń basty kepili – zańǵa baǵyný jáne qoǵamdyq tártipti saqtaý. Memleketimizdiń damýy men órkendeýi úshin árbir azamattyń quqyqtyq mádenıeti men jaýapkershilik sezimi joǵary bolýy qajet.
Osy maqsatta oqý oryndarynda, ásirese jastar arasynda profılaktıkalyq dáristerdiń ótkizilýi erekshe mańyzǵa ıe.
Osyndaı dárister stýdentterdiń quqyqtyq mádenıetin kóterip, óz áreketine jaýapkershilikpen qaraýǵa tárbıeleıdi.
Zań men tártipti qurmetteý – ár azamattyń paryzy. Al jastardyń quqyqtyq saýatty bolýy – el bolashaǵynyń kepili.
Qorytyndylaı kele, profılaktıkalyq dárister qoǵamda quqyqtyq sanany qalyptastyrýdyń tıimdi quraly bolyp tabylady.
Árbir jas zańdy bilýi, ony saqtaýy jáne óz quqyqtary men mindetterin túsinýi qajet.
Tártipti saqtaý – ózińdi jáne ózgeni qorǵaý. Sondyqtan árbir jas zańdy qurmettep, eldiń bolashaǵy úshin óz jaýapkershiligin sezinýi tıis.
Maqalanyń avtory - Almaty sán jáne qyzmet kórsetý salasy kolejiniń pedagog-psıhologi Qojantaeva M.E.