Astana, Almaty jáne Qazaqstannyń 17 oblysyna daýyldy eskertý jarıalandy, dep habarlaıdy aqshamnews.kz "Qazgıdromet" RMK-nyń baspasóz qyzmetine silteme jasap.
Jetisý oblysynyń shyǵysynda, taýly aýdandarynda tuman, kóktaıǵaq bolady dep kútiledi. Soltústik-shyǵystan soqqan jeldiń Alakól kólderi aýdanyndaǵy ekpini 15-20 m/s, keı tustarda 23-28 m/s deıin jetedi.
Túrkistan oblysynyń ońtústiginde, batysynda, taýly aýdandarynda tuman bolady dep kútiledi. 23 jeltoqsanda Shymkent pen Túrkistan qalalarynda da tuman bolatyny boljanady.
Túnde Mańǵystaý oblysynyń ortalyǵynda kóktaıǵaq, oblystyń batysynda, soltústiginde, shyǵysynda tuman bolady dep kútiledi. Aqtaýda 23 jeltoqsanda túnde jáne tańerteń tuman túsedi dep boljanady.
Qyzylorda oblysynyń soltústiginde kóktaıǵaq, oblystyń ońtústiginde, soltústiginde, ortalyǵynda tuman bolady dep kútiledi. Qyzylordada 23 jeltoqsanda tuman túsedi dep boljanady.
Jambyl oblysynda tuman, kóktaıǵaq bolady dep kútiledi. Soltústik-shyǵystan soqqan jeldiń oblystyń taýly aýdandaryndaǵy ekpini 15-20 m/s qamtıdy. Tarazda 23 jeltoqsanda tuman, kóktaıǵaq bolady dep kútiledi.
Túnde jáne kúndiz Aqmola oblysynyń batysynda, soltústiginde azdap qar jaýady, jaıaý burqasyn júredi, oblystyń ońtústiginde, shyǵysynda kóktaıǵaq, tuman bolady dep kútiledi. Ońtústik-batystan soqqan jeldiń ekpini 15-20 m/s quraıdy, kúndiz oblystyń shyǵysynda jel ekpini 25 m/s deıin jetedi. Tańerteń jáne kúndiz Kókshetaýda 23 jeltoqsanda ońtústik-batystan jel soǵady, ekpini - 15-20 m/s.
Aqtóbe oblysynyń soltústiginde, batysynda, ortalyǵynda tuman, kóktaıǵaq bolady dep kútiledi. Aqtóbede 23 jeltoqsanda kúndiz kóktaıǵaq bolady dep boljanady.
Túnde jáne tańerteń Atyraý oblysynyń batysynda, ońtústiginde, shyǵysynda tuman, kóktaıǵaq bolady dep kútiledi. Ońtústikten, ońtústik-batystan soqqan jeldiń ekpini 9-14 m/s, túnde oblystyń soltústiginde jel ekpini 15-20 m/s deıin jetedi.
Ulytaý oblysynyń soltústiginde, shyǵysynda azdap qar jaýady, jaıaý burqasyn júredi, oblystyń soltústiginde, shyǵysynda, ortalyǵynda tuman, kóktaıǵaq bolady dep kútiledi. Jezqazǵanda 23 jeltoqsanda keı ýaqyttarda tuman túsedi dep kútiledi.
Túnde Batys Qazaqstan oblysynda, kúndiz oblystyń soltústiginde, ońtústiginde, shyǵysynda jaýyn-shashyn (jańbyr, qar), kóktaıǵaq, oblystyń batysynda, ońtústiginde, soltústiginde tuman bolady, burqasyn júredi dep kútiledi. Oblystyń batysynda, ońtústiginde, soltústiginde ońtústik-shyǵystan ońtústik-batysqa oıysa soqqan jeldiń ekpini 15-20 m/s quraıdy. Oralda 23 jeltoqsanda jaýyn-shashyn (jańbyr, qar), tuman, kóktaıǵaq bolyp, burqasyn júredi dep kútiledi.
Qaraǵandy oblysynyń batysynda, soltústiginde azdap qar jaýady, jaıaý burqasyn júredi, kóktaıǵaq bolady, oblystyń soltústiginde, shyǵysynda, ońtústiginde tuman túsedi dep kútiledi. Tańerteń jáne kúndiz oblystyń batysynda, soltústiginde ońtústik-batystan, ońtústikten jel soǵady, ekpini - 15-18 m/s.
Túnde jáne kúndiz Qostanaı oblysynyń batysynda, soltústiginde, ońtústiginde qar jaýady, burqasyn júredi, kóktaıǵaq bolady, oblystyń shyǵysynda, ońtústiginde tuman túsedi dep kútiledi. Oblystyń batysynda, soltústiginde, shyǵysynda ońtústik-batystan jel soǵady, ekpini - 15-20 m/s. Qostanaıda 23 jeltoqsanda kúndiz qar jaýyp, burqasyn júredi, kóktaıǵaq bolady dep boljanady. Ońtústik-batystan jel soǵady, ekpini - 15-20 m/s.
Túnde Soltústik Qazaqstan oblysynyń soltústiginde, shyǵysynda, kúndiz oblystyń batysynda, ońtústiginde, soltústiginde qar jaýady, jaıaý burqasyn júredi, oblystyń batysynda, ońtústiginde tuman, kúndiz kóktaıǵaq bolady dep kútiledi. Oblystyń batysynda, ońtústiginde ońtústik-batystan soqqan jeldiń ekpini 15-20 m/s, keı tusta 25 m/s deıin jetedi. Petropavlda 23 jeltoqsanda kúndiz azdap qar jaýady, jaıaý burqasyn júredi dep kútiledi. Ońtústik-batystan jel soǵady, ekpini - 15-20 m/s.
Abaı oblysynyń soltústiginde, ortalyǵynda jaıaý burqasyn júredi, túnde jáne tańerteń oblystyń shyǵysynda, ońtústiginde tuman bolady dep kútiledi. Oblystyń soltústiginde, ortalyǵynda ońtústik-shyǵystan, ońtústikten soqqan jeldiń ekpini 15-20 m/s quraıdy.
Shyǵys Qazaqstan oblysynyń soltústik-batysynda jaıaý burqasyn júredi, túnde jáne tańerteń oblystyń ońtústiginde, ortalyǵynda tuman túsedi dep kútiledi. Oblystyń soltústik-batysynda ońtústik-shyǵystan, ońtústikten jel soǵady, ekpini - 15-20 m/s. Óskemende 23 jeltoqsanda túnde jaıaý burqasyn júredi dep kútiledi. Túnde ońtústik-shyǵystan soqqan jeldiń ekpini 15-18 m/s quraıdy.
Pavlodar oblysynyń batysynda, soltústiginde qar jaýady, jaıaý burqasyn júredi dep kútiledi. Oblystyń batysynda, soltústiginde, ońtústiginde ońtústik-batystan jel soǵady, ekpini - 15-20 m/s
Astanada 23 jeltoqsanda joldarda kóktaıǵaq bolady dep kútiledi. Ońtústik-batystan jel soǵady, kúndizgi ekpini - 15-20 m/s.
Almaty oblysynyń ońtústiginde, taýly aýdandarynda keı ýaqytta tuman, joldarda kóktaıǵaq bolady dep kútiledi. Almaty men Qonaev qalalarynda da 23 jeltoqsanda tuman, joldarda kóktaıǵaq bolady dep boljanady.