Ulttyq astyq operatory Úkimettiń tapsyrmasy boıynsha 2026 jylǵa arnalǵan forvardtyq satyp alý baǵdarlamasy boıynsha kóktemgi dala jumystaryn erte qarjylandyrýǵa aýyl sharýashylyǵy óndirýshileriniń ótinimderin qabyldaýdy jalǵastyrady.
Osy maqsattarǵa shamamen 40 mlrd teńge baǵyttalady, - dep habarlaıdy Aqshamnews.kz.
Memlekettik qoldaý sharasy shaǵyn jáne orta fermerlerge de, iri agroónerkásiptik keshenderge de qoldanylady.
Forvardtyq qarjylandyrý baǵdarlamasy aıasynda joǵary marjınaldy daqyldar óndirisin yntalandyrýǵa basa nazar aýdarylady. Jańa agrarlyq maýsymda júgeri ósirýge mamandanǵan sharýashylyqtarǵa avans berý qarastyrylǵan.
Forvardtyq kelisimsharttardyń talaptary boıynsha Azyq-túlik korporasıasy kóktemgi egis naýqany bastalǵanǵa deıin aýyl sharýashylyǵy óndirýshileriniń shottaryna aldyn ala tólem júrgizedi, bul fermerlerge dala jumystaryn júrgizýge aldyn ala daıyndalýǵa múmkindik beredi.
Egin jınap, aýyl sharýashylyǵy ónimderin ulttyq operatordyń resýrstaryna jetkizgennen keıin agrarshylar naryqta qalyptasqan baǵalarǵa baılanysty astyq úshin qosymsha aqy ala alady.
Dástúrli túrde ósimdik ónimderine satyp alý baǵasy kúzde belgilenedi.
2026 jylǵa arnalǵan aýyl sharýashylyǵy óndirýshilerine aldyn ala tólem mólsheri QQS esebimen:
- jumsaq jáne qatty bıdaı - 60 000 teńge/tonna
- arpa - 50 000 teńge/tonna
- júgeri - 50 000 teńge/tonna
- kúnbaǵys - 100 000 teńge/tonna
- maıly zyǵyr jáne raps tuqymdary - 100 000 teńge/tonna.
Qarjylandyrýdy ádil bólý maqsatynda aýyl sharýashylyǵy óndirýshilerinen forvardtyq kelisimsharttar jasasýǵa arnalǵan barlyq ótinimder oblys ákimdikteri janyndaǵy úılestirý keńesterine bekitýge jiberiledi.
Forvardtyq satyp alý sharttary boıynsha mindettemelerdi oryndaý merzimderi:
- bıdaı, arpa, júgerini jetkizý kezinde - 2026 jylǵy 02 qarashaǵa deıin, qosa alǵanda;
- kúnbaǵys, maıly zyǵyr jáne raps tuqymdaryn jetkizý kezinde - 2026 jylǵy 16 qarashaǵa deıin, qosa alǵanda.
Aýyl sharýashylyǵy ónimderin jetkizý EXW («franko-zavod») sharttarynda júzege asyrylady.
Forvardtyq satyp alý baǵdarlamasyna qatysý týraly qosymsha aqparatty kelesi mekenjaılar men telefondar arqyly alýǵa bolady:
Astana qalasy, Máskeý kóshesi, 29/3, tel. (8-717-2) 59-12-32 (ishki 2484; 2025;), 59-12-39 (ishki 2375), 59-12-61 (ishki 2261), 55-11-60 (ishki 2476);
Aqmola oblysy: Kókshetaý q., Nursultan Nazarbaev kósh., 19, tel. (8-716-2) 55-11-51, 55-11-54, 42-25-22;
Shyǵys Qazaqstan oblysy: Óskemen q., Beıbitshilik kósh., 30, 206 keńse, tel. (8-723-2) 25-95-67, 56-06-57;
Qostanaı oblysy: Qostanaı q., Táýelsizdik kósh., 147, tel. (8-714-2) 53-11-44, 53-12-44, 54-28-20;
Soltústik Qazaqstan oblysy: Petropavl q., Partızanskaıa kósh., 160, tel. (8-715-2) 55-11-60, 42-22-66;
Almaty oblysy: Qonaev q., +77081862334