Almatyda sońǵy táulíkte shamamen 20 mıllımetr jauyn-shashyn tústí, būl qarasha aıyna arnalǵan aılyq normanyń jartysyna teń. Osyǵan baılanysty qalanyń kommunaldyq qyzmetí kólík qozǵalysynyń qalypty júruín jáne tūrǵyndardyń qauípsízdígín qamtamasyz etu úshín jūmysyn kúsheıtílgen rejımde jalǵastyryp jatyr. Būl turaly Qalalyq kommunaldyq ınfraqūrylym jáne tūrǵyn úı ınspektsıyasy basqarmasynyń ókílderí habarlady.
Kóshelerdí qardan tazartu jūmystary 4 qarasha kúní saǵat 20:00-de bastalǵan. Osy uaqyt íshínde magıstraldar ekí ret sypyrylyp, jolǵa kóktaıǵaqqa qarsy arnaıy qospalar sebíldí. Ásírese, kópírler men jolaıyryqta, órler men júrgínshí ótkelderí jítí nazarda ūstalyp otyr.
Aua temperaturasynyń kúrt tómendeuí saldarynan tauly aımaqtarda keı jerlerde kóktaıǵaq paıda bolǵan. Mūndaı taıǵaq uchaskeler «Almaty Tazalyq» memlekettík kommunaldyq kásíporny men merdíger ūıymdar jedel túrde arnaıy qospa seuíp jatyr.
Būl jūmysqa 900-den astam arnaıy tehnıka jáne 2500-den astam jūmysshy, onyń íshínde kezekshí jáne patruldík brıgadalar tartylǵan. Qūm sebetín mashınalar, sypyrǵysh tehnıkalar, tıegíshter jáne qosalqy qūraldar qoldanylǵan.
Joldy, trotuardy jáne ayaldama mańyn tazartu jūmystary táulík boıy jalǵasyp jatyr. Kommunaldyq qyzmet jol jaıyn tūraqty túrde baqylap, qajet bolǵan jaǵdaıda qosymsha qospa sebedí.