IBF jáne WBO nūsqalary boıynsha álem chempıony Jáníbek Álímhanūlynyń menedjerí Berík Sūltan boksshy barlyq tıtulynan aıyrylyp qalsa, onyń mansaby qalaı jalǵasatynyn aıtty, dep habarlaıdy aqshamnews.kz
"Shynymdy aıtsam, bízdí ekí túrlí sheshím kútíp tūr. Kásípqoı boks — úlken bıznes. Bíz Qazaqstannyń tuyn kótergímíz keledí, bíraq shetelde boks kóbíne aqsha tabudyń qūraly. Bíz ekí sheshímdí kútemíz: 8 qańtarda “V synamasy” ashylyp, bárí taza ekení anyqtalsa, bízdí tıtuldardan aıyrmaıdy, árí álemdík boksta mansabymyzdy jalǵastyramyz. Eger qannan nemese zárden qandaı da bír jolmen tyıym salynǵan zattar tabylsa, onda Jáníbek Álímhanūlyn ekí tıtuldan aıyrady da, qansha uaqytqa ekenín bílmeımín, bíraq múmkín 1,5 jylǵa, 1 jylǵa nemese 6 aıǵa bokstan shettetuí yqtımal. Ondaı jaǵdaıda bíz kúızelíske túspeuímíz kerek — jazadan keıín boksta jolymyzdy jalǵastyramyz. Álí kesh emes. Jáníbek nebárí 33 jasta. Keshe ǵana 38 jastaǵy Krouford “Kanelony” jeńdí, 38 jastaǵy Usıktí bílesíz, Bıvol bar, Beterbıev bar", dedí B. Sūltan.
Aıta keteıík, būǵan deıín dopıng-test nátıjesí boıynsha Álímhanūlynyń qanynan tyıym salynǵan meldonıı zaty tabylǵan. Osyǵan baılanysty qazaqstandyq boksshynyń kubalyq Erıslandı Laramen orta salmaqta úsh álem chempıony ataǵy úshín ótuí tıís jekpe-jegí toqtatyldy.
