Elordalyq PD qyzmetkerleri Qaraǵandy qalasynda dzúdo, sambo jáne qazaq kúresinen Azıa kýbogynda joǵary nátıje kórsetti.
Abaı Qunanbaıulynyń týǵanyna 180 jyl tolýyna oraı Qaraǵandy qalasynda dzúdo, sambo jáne qazaq kúresinen Azıa kýbogy joǵary deńgeıde uıymdastyryldy. Jarysqa Qazaqstannan bólek, Reseı, Ózbekstan, Qyrǵyzstan, Tájikstan jáne Grýzıa memleketterinen 300-den astam myqty sportshy qatysty.
Dzúdo kúresinen jarysta Astana qalasy polısıa departamenti jyldam qımyldaıtyn arnaıy jasaǵynyń aǵa ınspektorlary Oljas Shynkeev pen Berik Tashmaǵanbetov erekshe óner kórsetti. 100 keli salmaq dárejesinde polısıa kapıtany Oljas Qasymbekuly I orynǵa ıe bolsa, polısıa maıory Berik Joldybaıuly III orynǵa kóterildi. Qos tártip saqshysynyń júldeli orynǵa kóterilýi olardyń jan-jaqty daıyndyq, fızıkalyq tózimdilik jáne myqty rýhyn aıqyn kórsetti. Olar qyzmettik mindetterin abyroımen atqara otyryp, sport arqyly salaýatty ómir saltyn nasıhattap, jastarǵa - úlgi.
Bul jetistik – ishki ister organdary qyzmetkerleriniń kásibı daıarlyǵy men tártiptiliginiń, sondaı-aq sportqa degen turaqty qoldaýdyń nátıjesi bolyp tabylady. Astana qalasy polısıa departamenti áriptesterin halyqaralyq deńgeıdegi jarysta kórsetken joǵary nátıjelerimen quttyqtap, aldaǵy ýaqytta da jańa jeńister men tolaǵaı tabystar tileıdi.