Qazaqstan Respýblıkasynyń Táýelsizdik kúnine oraı Almaty qalasynda Narhoz ýnıversıtetiniń TEO JPM uıymy uıymdastyrýymen ICE SCREAM CUP XII respýblıkalyq jas pikirsaıys týrnıri joǵary deńgeıde ótkizildi.
2025 jyldyń 15–16 jeltoqsanynda ótken bul týrnırge elimizdiń ár aımaǵynan 160 jas qatysýshy qatysty.
Jarysta Qazaqstannyń 6 aımaǵynan –Taraz, Shymkent, Almaty oblysy, Taldyqorǵan, Aqtóbe, Qyzylorda qalalarynnan 80 komanda baq synady. Aýqymdy jastar básekesine jalpy sany 500-den astam kórermen jınaldy.
Týrnır jas pikirsaıysshylardyń kóshbasshylyq qabiletin, synı oılaý daǵdylaryn damytý jáne pikirsaıys mádenıetin nasıhattaý maqsatynda jyl saıyn ótkizilip keledi. Bıyl 12-shi ret ótip otyrǵan ICE SCREAM XII respýblıkalyq týrnıri
Qazaqstandaǵy eń iri pikirsaıys dodalarynyń biri bolyp sanalady.
Jarys nátıjesinde Alıhan Bolatuly men Toǵjan Myrzabekovanyń «Berdimurat aǵa» komandasy 1-oryndy; Aqlen Ábdiresh pen Alı Qudaıbergenniń «Rýzvelt» komandasy 2-oryndy ıelendi. Al 2025 jylǵy jeńimpaz komandalar sapyn Rıza Arkadıeva men Asylhan Nurlan quraǵan «ZugZwang» komandasy túıindedi.
Jeke nomınasıalar boıynsha eń úzdik spıker - Asqar Eldana, úzdik spıker - Sheraly Qasıet dep tanyldy. Jeńimpazdarǵa aqshalaı syılyqtar men arnaıy marapattar tabys etildi.
ICE SCREAM XII aıasynda qosymsha ıntellektýaldyq oıyn uıymdastyrylyp, qatysýshylar óz logıkasy men erýdısıasyn synady. Jeńimpazdarǵa HR ACADEMY kýrsyna arnalǵan sertıfıkattar men arnaıy syılyqtar berildi.
Týrnır jastarǵa respýblıkalyq deńgeıde tájirıbe almasýǵa, óz oılaryn bildirýge jáne qoǵamdaǵy mańyzdy máselelerdi talqylaýǵa múmkindik beredi. ICE SCREAM CUP XII jyl saıyn elimizdiń túkpir-túkpirinen kelgen jas pikirsaıysshylardy biriktirip, pikirsaıys mádenıetiniń damýyna eleýli úles qosýd