Almaty qalasy ákimdiginiń «Almaty qalasy Qalalyq mobıldilik basqarmasynyń sharýashylyq júrgizý quqyǵyndaǵy «Almaty parkıng»
komýnaldyq memlekettik kásipornynyń ataýyn ózgertý týraly»
2025 jylǵy 20 qarashadaǵy № 4/752 qaýlysyna ózgerister engizý týraly
Almaty qalasynyń ákimdigi QAÝLY ETEDİ:
1. Almaty qalasy ákimdiginiń «Almaty qalasy Qalalyq mobıldilik basqarmasynyń sharýashylyq júrgizý quqyǵyndaǵy «Almaty parkıng» komýnaldyq memlekettik kásipornynyń ataýyn ózgertý týraly» 2025 jylǵy 20 qarashadaǵy № 4/752 qaýlysyna kelesi ózgerister engizilsin:
atalǵan qaýlymen bekitilgen Almaty qalasy Jol qozǵalysy jáne jolaýshylar kóligin uıymdastyrý basqarmasynyń sharýashylyq júrgizý quqyǵyndaǵy «Almaty parkıng» komýnaldyq memlekettik kásipornynyń Jarǵysyndaǵy:
14-tarmaq mynadaı redaksıada jazylsyn:
«14. Kásiporyn qyzmetiniń maqsaty:
1) komýnaldyq aqyly turaq qyzmetterine suranysty qanaǵattandyrý jáne komýnaldyqturaqtardyń tıimdi jáne sapaly jumys isteýin qamtamasyz etý;
2) turaq keńistigin basqarýdyń biryńǵaı sıfrlyq júıesin qurý arqyly komýnaldyq aqyly turaq salasynda ashyqtyqty arttyrý;
3) kóshe-jol jelisiniń ótkizý qabiletin ulǵaıtý jáne qorshaǵan ortanyń lastaný deńgeıin tómendetý;
4) ártúrli kólik túrleri úshin jańa turaq oryndaryn anyqtaý arqyly qalanyń biryńǵaı turaq keńistigin uıymdastyrý men damytýdy, sondaı-aq kóshe-jol jelisin ońtaılandyrý jáne kólik júktemesin azaıtý maqsatynda turaq keńistigin utymdy paıdalaný men aqy tóleýdi baqylaýdy qamtamasyz etetin turaq oryndaryn basqarýdyń avtomattandyrylǵan júıesin paıdalanýdy jáne jetildirýdi qamtamasyz etý;
5) turaq oryndary men turaqtarda elektr kólikterin zarádtaý úshin elektr zarádtaý stansıalarynyń ınfraqurylymyn damytý;
6) kóshe-jol ınfraqurylym utymdy paıdalaný úshin jol qozǵalysyn retteýge járdemesý;
7) qoǵamdyq qaýipsizdikti jáne ustalǵan kólik quraldaryn arnaıy alańdarda nemese turaqtarda saqtaý úshin olardy jetkizý (evakýasıalaý) prosesinúzdiksiz uıymdastyrýdy qamtamasyz etý.»;
41-tarmaq mynadaı redaksıada jazylsyn:
« 41. Kásiporynnyń jarǵylyq kapıtalynyń mólsheri 2 295 318 582,70 (eki mıllıard eki júz toqsan bes mıllıon úsh júz on segiz myń bes júz seksen eki) teńge, 70 tıyndy quraıdy.»;
2. Almaty qalasy Jol qozǵalysy jáne jolaýshylar kóligin uıymdastyrý basqarmasy Qazaqstan Respýblıkasynyń zańnamasynda belgilengen tártippen:
1) Kásiporynnyń tirkeýshi organda memlekettik qaıta tirkelýin qamtamasyz etsin;
2) osy qaýlydan týyndaıtyn ózge de sharalardy qabyldasyn.
3. Osy qaýlynyń oryndalýyn baqylaý Almaty qalasy ákiminiń jetekshilik etetin orynbasaryna júktelsin.
Almaty qalasynyń ákimi D. Satybaldy
