Qysqa beınerolıkter jasaý men kórýdiń jetekshi platformasy TikTok "Qazaqstan Muǵalimderi" baıqaýyn jarıalaıdy. Elimizde tórtinshi ret ótkizilip otyrǵan bastama aıasynda platforma elimizdiń barlyq pedagogtaryn óz pánderi boıynsha qysqa tanymdyq beınerolıkter formatynda bilimderimen bólisýge shaqyrady.
Qazaqstan Respýblıkasynyń Oqý-aǵartý mınıstrligi men Ǵylym jáne joǵary bilim mınıstrligi bastamanyń dástúrli seriktesteri bolyp tabylady. Jobany memlekettik mekemelerdiń qoldaýy platformanyń keń aýdıtorıa arasynda bilimdi tanymal etý isindegi mańyzdy rólin aıqyndap, TikTok-taǵy pedagogtar qaýymdastyǵynyń damýyna yqpal etedi.
Tórt jyl boıy konkýrs ótkizý barysynda Qazaqstanda mektep muǵalimderi, kolej oqytýshylary jáne joǵary oqý oryndarynyń profesorlyq-oqytýshylyq quramyn biriktirgen bilim berý kontenti avtorlarynyń myqty qaýymdastyǵy qalyptasty, al jalpy beınerolıkter sany 90 myńnan asty. Burynǵy jeńimpazdar - Botagóz Omarova, Haıdar Mýrzahmetov, Baıbolat Seıdahan, Evgenıı Solonısyn - óz úlgisimen qysqa beınerolık formatyndaǵy tanymdyq kontenttiń qyzyqty ári mıllıondaǵan qaralym jınaı alatynyn dáleldedi.
«Bul baıqaý ustazdyń yqpaly synyp sheginen áldeqaıda asyp túsetinin dáleldedi. TikTok-ta jas ta, araqashyqtyq ta mańyzdy emes – ózin kórsete alatyn múmkindik bárine bar. Men shalǵaı aýylda turamyn, biraq bul platforma maǵan óz daýysymdy jetkizýge múmkindik berdi. Óz tájirıbeń men bilimińdi onlaın bóliskende, sen tek oqytpaısyń – ata-analarǵa, oqýshylar men áriptesterge óz páni men mamandyǵyna jańa kózqaraspen qaraýǵa jol ashasyń. Men árbir pedagogtyń TikTok-ta ózgelerge shabyt syılaı alatyn óz tarıhy bar ekenine senemin», – deıdi Alakól oblysynyń Dostyq aýylyndaǵy orys tili men ádebıeti pániniń muǵalimi Botagóz Omarova.
Botagóz 2023 jyly "Qazaqstan Muǵalimderi" baıqaýynda jeńimpaz atanyp, bıyl TikTok-tyń Discover List tizimine engen alǵashqy qazaqstandyq kontent avtory boldy. Bul jahandyq tizim – platformany damytyp, adamdarǵa shabyt berip júrgen úzdik avtorlardy biriktiredi.
Baıqaýǵa qatysý úshin pedagogter men joǵary oqý oryndarynyń oqytýshylary 19 qarashaǵa deıin joba paraqshasynda ótinim berip, #ÝchıteláKazahstana heshtegimen kem degende bir beınerolık jarıalaýy qajet. Rolıktar tanymdyq sıpatta bolyp, avtordyń oqytatyn pánine saı kelýi tıis. Avtordyń beınerolıgi 1 000-nan astam qaralym jınaǵan jaǵdaıda, ol óz profıli úshin eksklúzıvti jıekke ıe bolady. Al beınesi 5 000-nan astam qaralym jınaǵan qatysýshylar úsh iPhone 17 uıaly telefonynyń birin utyp alý múmkindigine ıe bolady. Jeńimpazdar aýdıtorıanyń belsendiligi men tartylý deńgeıi negizinde anyqtalady. Tolyq erejeler TikTok qosymshasyndaǵy baıqaý betinde qoljetimdi.
«Bizdiń jobamyz kóptegen mindetterdi sheshedi: pedagog mamandyǵyn nasıhattaıdy, oqytýshylardy sıfrlyq kontent jasaýdy meńgerýge yntalandyrady, olarǵa ózderin tanytyp, aýdıtorıasyn synyp sheńberinen tys keńeıtýge múmkindik beredi. Sondaı-aq, mıllıondaǵan qoldanýshylarǵa bedeldi bilim ıelerinen úırenýge jol ashady. Bıyl da bul joba Qazaqstan bilim berý salasynyń jańa tulǵalaryn ashyp, olardyń shyǵarmashylyq áleýetin kórsetetinine senimdimiz», — dedi TikTok kompanıasynyń Túrkıa, Shyǵys Eýropa jáne Ortalyq Azıa boıynsha operasıalyq bólim basshysy Melıs Chaglar.
TikTok týraly
TikTok – qysqa vıdeorolıkterge arnalǵan jetekshi platforma. Bizdiń mısıamyz – adamdardy shyǵarmashylyqqa shabyttandyrý jáne olarǵa qýanysh syılaý.