Íshkí íster mınıstrlígí Jańa jyl qarsańynda alayaqtardyń belsendí túrde áreket etetínín aıtyp, qazaqstandyqtarǵa saq boludy eskerttí, - dep habarlaıdy Aqshamnews.kz.
«Jańa jyl qarsańynda alayaqtar belsendí túrde áreket etedí. Áleumettík jelílerde baǵasy arzan shyrshalardy satu turaly habarlamalar paıda bolady. Olar ádemí fotosuretterdí paıdalanyp, aldyn ala tólem jasaudy talap etedí. Aqsha audarylǵannan keıín «satushylar» baılanysty bírden úzedí», - delíngen habarlamada.
Polıtsıya eskertedí:
- Belgísíz nemese jańadan ashylǵan paraqshalardan tauar satyp almańyz;
- Aldyn ala tólem jasaudan, ásírese jeke banktík kartalarǵa aqsha audarudan bas tartyńyz;
- Píkírlerdí, jarıyalanymdardy jáne akkaunttyń tírkelgen kúnín mūqıyat tekseríńíz;
- Naqty mekenjaı men baılanys nómíríníń bar-joǵyn anyqtańyz;
- Óte tómen baǵa nemese tólemdí jedel jasauǵa shaqyratyn ūsynystarǵa saqtyqpen qarańyz;
- Kúmán paıda bolsa, satyp aludan bas tartqan jón.
Alayaqtar merekelík áure-sarsań men azamattardyń únemdeuge degen ūmtylysyn paıdalanady. Sondyqtan aqshany alayaqtardan saqtaudyń eń tıímdí joly – mūqıyat bolu.
Būǵan deıín polıtsıya mereke qarsańynda alayaqtardyń belsendílígí artatynyn eskertken bolatyn.