2025 jylǵy 20 jeltoqsanda Bas redaktorlar klýby qoǵamdyq birlestigi, ál-Farabı atyndaǵy Qazaq ulttyq ýnıversıteti jáne «Alatau Aqparat» medıaholdınginiń uıymdastyrýymen «Sıfrlandyrý dáýirindegi mass-medıa transformasıasy» taqyrybynda ǵylymı-praktıkalyq dóńgelek ústel ótti, - dep habarlaıdy Aqshamnews.kz.
Dóńgelek ústelge Bas redaktorlar klýbynyń músheleri - respýblıkalyq jáne óńirlik buqaralyq aqparat quraldarynyń basshylary, sala ardagerleri, ýnıversıtettiń profesor-oqytýshylar quramy, ǵalymdar men medıa sarapshylar qatysty. Kezdesýde sıfrlyq tehnologıalardyń damýy jaǵdaıyndaǵy otandyq mass-medıanyń transformasıasy, qazirgi jýrnalısıkanyń jańa baǵyttary, medıa etıka máseleleri jáne jasandy ıntellekttiń aqparattyq keńistikke yqpaly keńinen talqylandy.
İs-sharanyń ashylýynda QR Parlamenti Senatynyń depýtaty, QR Prezıdenti janyndaǵy Ulttyq quryltaı tóraǵasynyń orynbasary, «Bas redaktorlar klýby» QB prezıdenti Bıbigúl Jeksenbaı jáne ál-Farabı atyndaǵy Qazaq ulttyq ýnıversıteti basqarma tóraǵasy – rektory Janseıit Túımebaev sóz sóıledi.
«Bas redaktorlar klýby» QB prezıdenti Bıbigúl Jeksenbaı mass-medıanyń qoǵamdaǵy róline toqtalyp, sıfrlandyrý dáýirindegi aqparattyq jaýapkershiliktiń mańyzyn atap ótti: «Mass-medıa - ulttyq sananyń aınasy. Sıfrlandyrý dáýirinde aqparatty shekteý emes, oǵan jaýapkershilik ornatý mańyzdy. Memleket basshysy aıtqandaı, ádiletti qoǵam ádiletti aqparat keńistiginsiz múmkin emes. Osy baǵytta Parlament, Úkimet, medıa jáne azamattyq qoǵam birlese áreket etýi tıis», – dedi.
QazUÝ rektory Janseıit Túımebaev Memleket basshysy Qasym-Jomart Toqaevtyń Qazaqstandy «jappaı sıfrlyq elge» aınaldyrý jónindegi strategıalyq maqsatyna toqtalyp, jasandy ıntellektiniń mańyzyn atap ótti. «Jýrnalısıka fakúltetinde elimizdegi alǵashqy «LG AI MediaLab» zerthanasynyń iske qosylýy - medıa men komýnıkasıa salasynda jasandy ıntellektti qoldanýǵa baǵyttalǵan mańyzdy qadam», - dedi.
«Medıa etıka. Sıfrlyq dáýirdegi mass-medıa transformasıasy» taqyrybynda QR Parlamenti Májilisiniń depýtaty Marat Báshimov baıandama jasap, aqparattyq qaýipsizdik pen zań aldyndaǵy jaýapkershilik máselesine nazar aýdardy.
Sonymen qatar ZTB media negizin qalaýshy Marǵulan Tursynov qazirgi jasandy ıntellekt dáýirinde sıfrlyq medıanyń damý qarqyny báseńdegen joq ekenin atap ótti. Onyń aıtýynsha, sıfrlyq medıa jańa formattarǵa beıimdelip, aýdıtorıamen jumys isteýdiń tıimdi tetikterin qalyptastyryp keledi.
Baspasóz jýrnalısıkasynyń bolashaǵyna qatysty «Prostor» jýrnalynyń bas redaktory Farhat Tamendarov pen «Aq jelken» balalar jýrnalynyń bas redaktory Baljan Muratqyzy alańdaýshylyq bildirdi. Olar oqyrman mádenıetin, sonyń ishinde balalar men jasóspirimderdiń gazet-jýrnal oqý ádebin saqtap qalý úshin bilim berý salasymen tyǵyz áriptestikte jumys isteý qajettigin atap ótti. Redaksıalar bul baǵytta QR Oqý-aǵartý mınıstrligimen birlesken jobalardy júzege asyrýǵa daıyn ekenderin jetkizdi.
Dóńgelek ústelde belgili medıamenedjer, QazUÝ jýrnalısıka fakúltetiniń doktoranty Telman Beısen jasandy ıntellekt dáýirindegi basqarý mádenıetine toqtaldy: «Jasandy ıntellekt dáýirinde kezkelgen medıa basshysy redaksıany jáne jalpy medıa uıymdy saýatty ári tıimdi basqara bilýi kerek. Tehnologıa ózgerýi múmkin, alaıda basqarýshylyq sheshimniń sapasy men redaksıalyq jaýapkershilik ózgermeıdi», – dedi ol.
Sondaı-aq jıynda «Bas redaktorlar klýby» QB birinshi vıse-prezıdenti, L.N. Gýmılev atyndaǵy Eýrazıa ulttyq ýnıversıtetiniń profesory Muratbek Toqtaǵazın, medıamenedjer Erlan Bekhojın, PR mamany Aıbar Oljaı, Respýblıkalyq «Ádilet» gazetiniń tóraǵasy Qýanyshbek Botabekov, jasandy ıntellekt zertteýshisi Meıirjan Áýelhanuly, «Dala men qala» gazetiniń bas redaktory Rıshat Áskerbekuly jáne ózge de sarapshylar salalyq usynystaryn ortaǵa saldy.
Ashyq mıkrofon sesıasynda medıa etıka, sıfrlyq dáýirdegi mass-medıanyń transformasıasy, qazirgi jýrnalısıkadaǵy jasandy ıntellekttiń róli jáne sıfrlyq ortadaǵy aqparattyq jaýapkershilik máseleleri talqylandy.
İs-shara barysynda otandyq jýrnalısıkanyń damýyna eleýli úles qosqan sala ardagerleri - Saǵymbaı Qozybaev, Káken Hamzın, Marat Toqashbaev jáne Nurjan Muhamedjanova «Bas redaktorlar klýby» qoǵamdyq birlestiginiń «Aqparat ardageri» tósbelgisimen marapattaldy. Marapattaý rásimi Bas redaktorlar klýbynyń 15 jyldyq mereıtoıy aıasynda ótti.
Jıyn sońynda qatysýshylar ál-Farabı atyndaǵy Qazaq ulttyq ýnıversıtetiniń ınovasıalyq ortalyǵy - Farabi Hub jumysymen tanysty.