Búgínde el tynyshtyǵy men qoǵamdyq qauípsízdígín qamtamasyz etuge baǵyttalǵan áskerı mamandyqtarǵa jastardyń qyzyǵushylyǵy artyp keledí.
Ásírese, Qazaqstan Respublıkasy Ūlttyq ūlanynyń bedeldí oqu orny – Ūlttyq ūlan akademıyasy bolashaq ofıtser boludy maqsat etken jastar úshín úlken ómírge bastar mańyzdy qadam sanalady. Eldíń túkpír-túkpírínen kelgen talapkerler osy oqu ordasyn tańdap, áskerı qyzmettíń jauapty árí abyroıly jolyn tańdady, - dep habarlaıdy Aqshamnews.kz.
Solardyń bírí – Almaty qalasy Bostandyq audanynyń tumasy Abdımanatov Nartaı Isataıūly. Onyń áskerı qyzmetke degen qyzyǵushylyǵy bala kezínen bastau alady. Sportty serík etken jas kursant voleıbolmen aınalysyp, tózímdílík pen tártípke, eńbekqorlyq pen tabandylyqqa erte úırendí. Dál osy qasıetter keıín onyń elge qyzmet etemín degen ómírlík sheshím qabyldauyna negíz boldy.
Mektep qabyrǵasynda júrgen kezínen-aq Nartaıdyń armany aıqyndala tústí. 11-synypta oqyp júrgen kezínde oqu ornyna kelgen áskerı qyzmetshíler Qazaqstan Respublıkasy Ūlttyq ūlan akademıyasy, kursanttardyń kúndelíktí ómírí men áskerı qyzmettíń mańyzy turaly keńínen áńgímelep bergen. Áskerılerdíń salmaqty sózí, tártípke negízdelgen ómírí men ofıtserlík abyroı jas talapkerge erekshe áser qaldyryp, onyń bolashaq mamandyǵyn tańdauda sheshushí ról atqardy.
Mekteptí támamdaǵan soń Nartaı Ūlttyq bíryńǵaı testíleuden 60-tan joǵary ball jınap, óz maqsatyna bír qadam jaqyndaı tústí. Ol jergílíktí áskerı bólím arqyly Ūlttyq ūlan akademıyasyna túsuge joldama alyp, íríkteu kezeńderíne qatysady. Belgílí bolǵandaı, akademıyaǵa túsu ońaı emes: árbír talapker medıtsınalyq tekserísten, psıhologıyalyq íríkteuden jáne dene shynyqtyru normatıvterínen sáttí ótuí tıís.
Nartaı úsh kezeńnen tūratyn barlyq synaqtan súrínbeı ótíp, Ūlttyq ūlan akademıyasynyń kursanty atandy. Osylaısha, ol bolashaq ofıtser bolu jolyndaǵy alǵashqy naqty qadamyn jasady.
Qazírgí tańda Nartaı 1-kurs kursanty retínde oqu men áskerı daıyndyqty qatar alyp júr. Ol ózín oqu úderísínde de, tártíp pen jauapkershílík tūrǵysynan da jaqsy qyrynan kórsetíp keledí. Sonymen qatar, sporttyq qabíletterín shyńdap, akademıya ómíríne belsene aralasuda. Áskerı tártíptí, ūjymdyq ruh pen bírlíktí joǵary qoyatyn jas kursant qatarlastaryna úlgí bola bílude.
Bolashaq ofıtser úshín ár kún – úlken ómír sabaǵy. Nartaı Abdımanatov osy jolda bílímín tereńdetíp, áskerı qyzmetke tán qasıetterín shyńdauda. Ol úshín Ūlttyq ūlan akademıyasy – tek bílím ordasy ǵana emes, elge adal qyzmet etudíń alǵashqy baspaldaǵy.
Būl jol jeńíl emes. Alaıda tabandylyq pen otanshyldyq qasıet bar jerde, Nartaı syndy jastar el senímín aqtap, táuelsíz Qazaqstannyń qorǵany bolaryna sením mol.
Qazaqstan Respublıkasy Ūlttyq ūlany akademıyasy turaly tolyǵyraq aqparatty resmı saıt arqyly aluǵa bolady.
https://www.ang.edu.kz/rus/