Toǵaı ishinde jappaı tártipsizdikke qatysqan búlikshiler eki myltyq, revolver, pyshaq, Kalashnıkov avtomatynyń patrondaryn, Makarov tapanshasyn, granatalardy, oq ótpeıtin jılet pen polısıanyń jeıdesin jasyrǵan.
Jasyrylǵan oryn týraly jedel aqparat kolonıa qyzmetkerleriniń qaramaǵynda boldy, dep habarlaıdy Almaty-akshamy.kz Polisia.kz-ke silteme jasap.
«Bizdiń mekemeniń jedel bóliminiń qyzmetkerleri Almaty qalalyq PD Krımınaldyq polısıa basqarmasynyń áriptesterimen birlesip jedel-izdestirý is-sharalaryn júrgizip, onyń barysynda Ýspenskıı kóshesinen 200 metr qashyqtyqtaǵy Baým toǵaıynan túrli oq-dáriler saqtalǵan oryn tabyldy. Kóshe ońtústikte, aǵashtyń janynda. Atalǵan derek Túrksib aýdandyq polısıa basqarmasynda tirkeldi. Tergeý júrip jatyr», – dedi Almaty qalasy boıynsha QAJD LA-155/13 mekemesi basshysynyń orynbasary Shákir Iýnýsov.
Qoımanyń ishinen tabylǵan bólikterdiń shynaıy tıesiligin qosymsha tergeý anyqtaıdy.