Naýryz IýNESKO kóleminde merekelenedi
Kún men tún teńesken kóktem merekesi BUU-nyń halyqaralyq kúntizbesine jáne Dúnıejúzilik mádenı mura tizimine qosylǵan. Parıjdegi IýNESKO uıymynyń shtab-páterinde Naýryz meıramyn atap ótti, dep habarlaıdy Almaty-akshamy.kz 24.kz-ke silteme jasap.
Oǵan 182 memlekettiń ókilderi shaqyrylyp, olardy Naýryz ulttyq meıram sanalatyn elderdiń delegasıalary qarsy aldy. Dástúrli mýzyka, taǵamdar, kıim, áshekeıler men ydys. Naýryz túrki jáne parsy elderi mádenıetteriniń alýan túrligin kórýge múmkindik beredi. Arnamyzǵa bergen suhbatynda IýNESKO uıymynyń bas dırektory Qazaqstan halqy Ulystyń uly kúnimen quttyqtady.
«IýNESKO-da uly meıram – Naýryzdy toılap jatqanymyzǵa óte rızamyn. Bul rasynda Qazaqstan, Ortalyq Azıa men ózge de elder úshin úlken mereke. Eń aldymen bul beıbitshilik sımvoly. Kóptegen elder úshin qıyn sátte bul meıram – beıbitshilik joldaýy. Barlyǵyn meırammen quttyqtaımyn! Naýryz qutty bolsyn! IýNESKO-men birge osy meıramdy atap jatqandaryńyzǵa kóp rahmet!» - dedi IýNESKO uıymynyń bas dırektory Odre Azýle.