Almaty qalasynyń Alataý aýdanynyń ákimi Azamat Qaldybekov Óńirlik komýnıkasıalar qyzmetinde ótken brıfıńte 2021 jyly qabyldanǵan halyqty áleýmettik qorǵaý sharalary týraly aıtty dep habarlaıdy almaty-akshamy.kz
Azamat Qaldybekov búginde ataýly áleýmettik kómekti Alataý aýdanynyń 1 794 otbasy 624,4 mln teńgege, al turǵyn úı kómegin 9,7 mln teńgege 435 ótinish berýshi alǵanyn habarlady.
- «Eńbek» memlekettik baǵdarlamasy aıasynda 4 764 adam jumysqa ornalastyryldy, onyń ishinde áleýmettik jumys oryndaryna – 196 adam, qoǵamdyq jumys oryndaryna – 1 390 adam, jastar praktıkasyna 315 adam jiberildi, 200 AEK kóleminde granttar 153 adamǵa, turaqty jumys oryndaryna 2 698 adam, al joba boıynsha alǵashqy jumys ornyna – 12 adam ornalastyryldy, - dedi Alataý aýdanynyń ákimi.
Spıker sondaı-aq Energotıimdilik jáne ınfraqurylymdyq damý basqarmasy men «Halyq Bank» AQ birlesken jobasy aıasynda aýdannyń az qamtylǵan otbasylarynyń 46 jeke turǵyn úıi ortalyq gazben jabdyqtaýǵa qosylǵanyn habarlady.