Alataý aýdanynyń aǵymdaǵy jyldyń 11 aıyndaǵy ekonomıkalyq nátıjeleri týraly onyń ákimi Azamat Qaldybekov Óńirlik komýnıkasıalar qyzmetinde ótken brıfıńte aıtyp berdi dep habarlaıdy almaty-akshamy.kz
Alataý aýdany basshysynyń aıtýynsha, 2021 jyldyń 11 aıynda memlekettik búdjetke 49 mlrd 153 mln teńge túsken. Onyń ishinde respýblıkalyq búdjetke 26 mlrd 803 mln teńge, jergilikti búdjetke 22 mlrd 350 mln teńge tústi.
- Ónerkásiptik ónim óndirisiniń kólemi 11 aıda 259,6 mlrd teńgeni qurady, - dedi Azamat Qaldybekov. – 11 aıda negizgi kapıtalǵa ınvestısıalar – 105 mlrd 400 mln teńge.
Onyń aıtýynsha, bıyl jumys oryndaryn qurý jospary 104,2%-ǵa oryndaldy – jyl basynan beri 3 960 jumys orny ashyldy.
Bıylǵy jyly aýdan kásiporyndaryna beriletin sýbsıdıanyń jalpy somasy 182 mln 448 myń teńgeni qurap, 145 jańa jumys ornyn ashty.
- «Qarapaıym zattar ekonomıkasy» baǵdarlamasy boıynsha bıyl óndiristi keńeıtý úshin «Maslo-Del» JSHS sýbsıdıalandy. Nesıeleýdiń jalpy somasy – 7,8 mlrd teńge, sýbsıdıa somasy – 585 mln teńge. «Bıznestiń jol kartasy – 2025» baǵdarlamasy boıynsha birinshi baǵyt boıynsha jalpy somasy 373,3 mln teńgege 63 joba nesıe qarajatyn aldy. Atalǵan baǵdarlamanyń ekinshi baǵyty boıynsha-jalpy somasy 4 mlrd 34 mln teńgeden asatyn 31 joba. Almaty business – 2025 óńirlik baǵdarlamasy aıasynda 24 joba jalpy somasy 332,1 mln teńgege nesıe aldy, 69 jańa jumys orny ashyldy, - dedi Alataý aýdanynyń ákimi.
Búginde aýdan ónerkásibi eki iri kompanıadan («Maslo-del» JSHS jáne «HyundaiTransKazakhstan» JSHS), tórt orta kompanıadan («Almaty elektr qalqandary zaýyty» JSHS, «Lıbellabotlers Almaty» JSHS, «Bıjan» JSHS jáne «Tehnovıd Plús» JSHS) turady