29 mamyrda HQO jumysyn ádettegi rejımmen jańa mekenjaıda jalǵastyrady.
27 mamyrda Almatydaǵy №2 mamandandyrylǵan halyqqa qyzmet kórsetý ortalyǵy jańa mekenjaıǵa kóshti, dep habarlaıdy Almaty-akshamy.kz.
Endi azamattarǵa jaıly bolý úshin jáne sapaly qyzmet kórsetý úshin ol Maılın kóshesi, 240 a mekenjaıyndaǵy «Allur avto» ǵımaratynda ornalasady. Buǵan deıin mamandandyrylǵan HQO Maılın kóshesi, 85 mekenjaıynda bolatyn.
«Dúısenbi, 29 mamyrda, mamandandyrylǵan HQO jumysyn ádettegi rejımmen jańa mekenjaıda jalǵastyrady», - dep habarlady «Azamattarǵa arnalǵan úkimet» Memlekettik korporasıasynyń Almaty bólimshesiniń baspasóz qyzmeti.
Almaty turǵyndary 4 mekenjaıdaǵy mamandandyrylǵan HQKO-na memlekettik qyzmetterdi alý úshin bara alady:
"Saıaly" yqshamaýdany, Aqqaınar, 1 kóshesindegi №1 mamandandyrylǵan HQKO;
Maılın kóshesi, 240 a mekenjaıyndaǵy № 2 mamandandyrylǵan HQKO;
Túrksib aýdany, "Qaırat" yqshamaýdany, Qulja tas jolynyń 9-shaqyrymy mekenjaıyndaǵy №5 mamandandyrylǵan HQKO;
"Kemel" yqshamaýdany, Aqsýat kóshesi, 118 mekenjaıyndaǵy №6 mamandandyrylǵan HQKO.
Mamandandyrylǵan Halyqqa qyzmet kórsetý ortalyqtary dúısenbiden jumaǵa deıin saǵat 09:00-den 18:00-ge deıin túski úzilissiz jumys isteıdi. Avtokólikterdi zańdastyrýǵa baılanysty senbi kúni 09:00-den 13:00-ge deıin qyzmet kórsetedi.
Mekeme qyzmetkerleri qyzmetterdi úıden shyqpaı-aq onlaın alýǵa bolatynyn eske saldy. Suraqtar týyndaǵan jaǵdaıda 1414 biryńǵaı baılanys ortalyǵyna habarlasýǵa, @kenes1414Bot Telegram-botyna júginýge jáne áleýmettik jeliler arqyly aqparat alýǵa bolady.