Kúshimiz - birlikte
Tártipsizdikter kezinde zardap shekken bıznes ókilderine kómek úshin qurylǵan «Kúshimiz Birlikte» qoryna Almaty Óńirlik kásipkerler palatasynyń tóraǵasy Maksım Baryshev basshylyq etedi, dep habarlaıdy Almaty-akshamy.kz Tengrinews.kz-ke silteme jasap.
«Atameken» UKP ókiliniń málimetinshe, qarjylaı kómekteskisi keletin árbir adam UKP men óńirlik keńestiń baılanys ortalyǵyna habarlasa alady:
Baılanys ortalyǵy - 8 775 126 18 39, 8 778 410 17 58.
Almaty ÓKP - 8 777 947 00 77.
Buǵan deıin Almatynyń óńirlik keńesi iri kásiporyndardan áriptesterin qoldaýǵa jáne SHOB nysandaryn qalypqa keltirýge qarjylaı kómek suraǵan edi.
«Atameken» ókilderi kásipkerlerden shyǵyn kólemin foto jáne vıdeoǵa túsirýdi suraıdy. Qor aqshasy komısıa sheshiminen keıin bólinedi. Qordy tirkeý jáne shot ashý boıynsha máseleler jaqyn arada sheshiledi», - delingen habarlamada.
Buǵan deıin Qazaqstandaǵy tártipsizdikter kezinde keltirilgen zalal somasy 92 mıllıard teńgeden asqany habarlanǵan bolatyn.