Almaty qalasy boıynsha Qylmystyq-atqarý júıesi departamentine qarasty №11 mekemeniń mamandary men Týrızm jáne qonaqjaılyq ındýstrıa kolejiniń ókilderi birlesip «Zańǵa baǵynǵan qul bolmaıdy» degen taqyrypta semınar ótkizdi.
№11 mekemeniń rejım jáne kúzet bólimi, mekeme bastyǵynyń kezekshi kómekshisi ádilet maıory Anar Mýstafaev, Týrızm jáne qonaqjaılyq ındýstrıa kolejiniń dırektory Nurdáýlet Jabyqbaev, Almaly aýdanynyń Iývenaldy polısıa polkovnıgi Qolqanat Aıaǵanov, pedagog-psıhologtar Elmıra Úsenqyzy, Gúlnar Beksultanqyzy, sonymen qatar Almaty qalalyq Psıhıkalyq densaýlyq ortalyǵynyń narkolog-dárigeri Anna Trýbnıkova, Jastar densaýlyq ortalyǵyn damytý boıynsha resýrstyq ortalyǵynyń klınıkalyq psıhology Elena Akchalova jáne ata-analar komıtetiniń músheleri qatysty.
Semınarda jasóspirimder tarapynan jıi jasalatyn quqyq buzýshylyǵy týraly, jasóspirimderdiń aýytqýshylyq jáne devıantty minez-qulqynyń aldyn-alý máseleleri talqylandy. «Esirtki jáne psıhotroptyq zattardy taratqany jáne paıdalanǵany úshin qylmystyq jaýakershilik» jaıynda da sóz qozǵaldy. Sonymen qatar kámelettik jasqa tolmaǵan balalardyń qylmystyq jaýpkershiligi týraly talqylandy. Jasóspirimderdiń psıhıkalyq densaýlyǵy, balaǵa zıan keltirmeı qıyn jaǵdaıdan qalaı shyǵýǵa bolady degen taqyryp tóńireginde de áńgime qozaǵaldy.
«Bul basqosý Memleket basshysynyń elimizde «Zań jáne tártip» qaǵıdatyn birjola ornyqtyrý týraly tapsyrmasyna ún qosý maqsatynda uıymdastyryldy. Iá, jastarǵa zań men tártip týraly udaıy áńgimelep otyrýdyń artyqtyǵy joq. Qazir olardyń osynaý qyzyldy-jasyldy ómirge qumartyp jalyndap turǵan shaǵy. Sondyqtan quqyqtyq tárbıe olardyń bolashaqta zań buzbaı, qylmysqa urynbaı, jaqsy ómir súrýine, qoǵamnan óz ornyn tabýyna yqpal eteri sózsiz. «Dóńgelek ústel» basynda jınalǵan mamandar ózekti máselelerdi talqylap, jastardyń quqyqtyq saýattylyǵyn arttyrý jáne ádil jáne turaqty qoǵam qurýdyń negizi «Zań jáne tártip» ekeni aıtyldy», – deıdi №11 mekemeniń tárbıe bólimi qyzmetkeri Erkegúl Jeńisqan.