Konsýltatıvtik aýa raıy boljamy usynyldy
Almatyda aldaǵy aptada ystyq aýa raıy saqtalady. Bul týraly «Qazgıdromet» RMK-dan málim etti, dep habarlaıdy Almaty-akshamy.kz. «Qazgıdromet» RMK Almaty qalasy fılıaly meteorologıalyq boljamdar bóliminiń bastyǵy Dáýlet Qısebaevtyń aıtýynsha, Almatyda aldaǵy aptada ystyq aýa raıy áli saqtalady.
«Taýly aýdandarda, jekelegen shatqaldarda ótkinshi jańbyr jaýyp, kún kúrkireıdi. Biraq, bul negizinen orta taýlar men teńiz deńgeıinen 2000 metrden joǵary bıik taýlarda kútiledi. Qatty ystyq Iran, Aýǵanstan, Iraktyń aýmaqtarynan ystyq jáne qurǵaq aýa massalarynyń Ortalyq Azıa arqyly respýblıkanyń ońtústik jartysyna shyǵarylýyna baılanysty bolady»,- dedi ol.
Qazgıdromettiń málimetine sáıkes, 22 jáne 23 shildede termometr baǵandary 36-38 gradýs, túnde 21-23 gradýs jylýdy kórsetedi. Sondaı-aq, kóshpeli bult shyǵady, jaýyn-shashynsyz bolady dep boljanýda. Shilde aıynyń úshinshi onkúndigine Almaty qalasy boıynsha konsýltatıvtik aýa raıy boljamy usynyldy. Oǵan sáıkes, 24-27 shildede kóshpeli bult shyǵady, jaýyn-shashynsyz bolady dep kútiledi. Aýa temperatýrasy túnde + 23+25°, kúndiz + 36+38°. 28 shildede kóshpeli bult shyǵady, ótkinshi jańbyr jaýady, kún kúrkireıdi. Aýa temperatýrasy túnde +25+27°, kúndiz +35+37° bolady. 29-31 shildede kóshpeli bult shyǵady, ótkinshi jańbyr jaýady, kún kúrkireıdi. Batysta ekpini 13 m/s bolatyn jel soǵady, túnde aýa temperatýrasy +23+25°, kúndiz +30+32° bolady. Almaty qalalyq TJD qala turǵyndary men qonaqtaryn ystyq ótýden jáne dene shynyqtyrýmen aınalysý úshin kóshege serýendeýden bas tartýǵa shaqyrdy.