Almatyda VII Eýrazıalyq monopolıaǵa qarsy forým ótip jatyr, dep habarlaıdy almaty-akshamy.kz QazAqparatqa silteme jasap.
Forýmdy uıymdastyrýshylar – Qazaqstan Respýblıkasy Básekelestikti qorǵaý jáne damytý agenttigi men «Básekelestik saıasatty damytý jáne qorǵaý ortalyǵy» AQ.
Forým - Eýrazıa qurlyǵy aýmaǵyndaǵy ulttyq jáne transshekaralyq naryqtardy monopolıaǵa qarsy retteý máseleleri boıynsha memlekettik organdar, sarapshylar qoǵamdastyǵy jáne bıznes ókilderiniń ózara praktıkalyq tájirıbe men pikir almasýy úshin salmaqty halyqaralyq alań.
VII forýmnyń negizgi taqyryptary:
- Taýar naryqtaryndaǵy básekelestiktiń jaı-kúıin baǵalaýdyń jáne tergeý júrgizýdiń jańa tásilderi;
- Transshekaralyq naryqtarda básekelestik buzylǵan jaǵdaıda naryq sýbektileriniń óz quqyqtary men múddelerin qorǵaý múmkindikteri;
- Básekelester arasyndaǵy daýlardy sheshý tájirıbesi;
- Naryq sýbektileriniń múddelerin qorǵaý praktıkalyq suraqtary;
- Monopolıaǵa qarsy komplaens – monopolıaǵa qarsy táýekelderdi tómendetýdiń tıimdi tásili.