Balalar kesar tiligi arqyly dúnıege keldi.
Perınatologıa jáne balalar kardıohırýrgıasy ortalyǵynda salmaǵy 1990, 1940 jáne 2200 gram úsh ul bala dúnıege keldi. dep habarlaıdy Almaty-akshamy.kz QazAqparatqa silteme jasap.
S.Asfendıarov atyndaǵy QazUMÝ baspasóz qyzmetiniń málimetinshe, balalar kesar tiligi arqyly dúnıege keldi. Operasıa kúrdeli boldy. Otany profesor, medısına ǵylymdarynyń doktory, №2 akýsherlik jáne gınekologıa kafedrasynyń meńgerýshisi, 30 jyldan astam tájirıbesi bar dáriger Sáýle Isenova jasady.
«Uldar júktiliktiń 34 aptasynda dúnıege keldi. Balalardyń árqaısysy óz uryq qabyǵymen týdy. Jatyr qýysynan shyǵarylǵannan keıin ǵana uryq qabyǵy ashylyp, náresteler dúnıege keldi. Shala týǵan sábıdi alýdyń bul ádisi ártúrli múshelerde qan ketýmen baılanysty kóptegen asqynýlardyń aldyn alady. Operasıa bir saǵattan astam ýaqytqa sozyldy jáne sátti ótti. Qazir ana ózin jaqsy sezinedi», - dedi QazUMÝ profesory Sáýle Isenova.
Aıta ketsek, jaqynda Sáýle Shaıkenqyzy osyndaı bosandyrýdy qabyldaǵan. Úshem EKU jolymen dúnıege keldi. Ota maýsym aıynyń sońynda jasaldy. Anasy men balalary 2 aptadan keıin ortalyqtan shyǵaryldy.