Sotqa deıingi tergeý amaldary júrgizilip jatyr.
Almaty qalasynda 5-6 qańtarda bolǵan tártipsizdikter kezinde qarý satatyn dúkenderden urlanǵan qarý-jaraq partıasy tabyldy. Bul týraly Kóliktegi polısıa departamentiniń bastyǵy Ońal Bekıev aıtty, dep habarlaıdy Almaty-akshamy.kz.
Ońal Bekıev atap ótkendeı, Almaty áýejaıyndaǵy tártipsizdikke qatysqan Ózbekstannyń 23 jastaǵy azamaty urlyq jasady degen kúdikpen ustalyp, turǵylyqty jerinen 2 pyshaq pen 1 pnevmatıkalyq tapansha tárkilendi.
Sondaı-aq polıseıler onyń 43 jastaǵy sybaılasyn anyqtap, ustady.Tintý barysynda pnevmatıkalyq qarýdyń 19 birligi men olarǵa arnalǵan patrondar, 10 pyshaq, 1 arbalet, 6 optıkalyq kózildirik jáne 3 optıkalyq qurylǵy tárkiledi.
«Sotqa deıingi tergeý amaldary júrgizilýde, kúdiktilerdiń basqa da qylmystarǵa qatystylyǵy tekserilip jatyr», - dep qorytyndylady polısıa general-maıory.
Sonymen qatar kúdiktilerdiń basqa da sybaılastaryn anyqtaý jáne ustaý sharalary júrgizilip jatyr.