2025 jyly 17-23 qarasha aralyǵynda Almaty qalasynda U-15 jáne U-17 jasóspirimder arasynda toǵyzqumalaqtan álem chempıonaty ótedi. «Zenıt» sport ortalyǵynda (Almaty q, Sanatornaıa kóshesi, 14a) ótetin álemdik dodaǵa 21 elden jas sportshylar qatysady.
Chempıonat 18 qarasha kúni saǵat 14:00-de jarys ótetin jerde saltanatty túrde ashylady.
Toǵyzqumalaq — kóshpeli halyqtardyń ejelgi zıatkerlik oıyndarynyń biri, mádenı mura retinde tanylǵan qundylyq. Almaty qalasy álem qaýymdastyǵynyń nazaryn qaıta ózine aýdarmaq: toǵyzqumalaqtyń jas sheberleri joǵary daıyndyq deńgeıin jáne strategıalyq oılaý qabiletin pash etpek.
Jarys úsh formatta ótedi: klasıka (onlaın jáne oflaın), rapıd jáne blıs.
Qatysýshylar jeke jáne komandalyq synda baq synaıdy.
Álem chempıonaty Almaty qalasy ákimdiginiń qoldaýymen uıymdastyrylady.
Esterińizge sala ketsek, alǵashqy álem chempıonaty 2023 jyly Almatyda ótip, oǵan 17 memleketten 136 sportshy qatysqan bolatyn. Al bıyl týrnır aýqymy keńeıip, 21 elden 180 jas oıynshy qatyspaq. Olardyń qatarynda Orta Azıa elderimen qatar Mońǵolıa, Pákistan, Qytaı, Úndistan, Germanıa, Italıa, Koreıa, Túrkıa jáne Shyǵys Eýropa memleketteriniń sportshylary bar.
Chempıonat 22 qarasha kúni saǵat 14:00-de «Zenıt» sport ortalyǵynda resmı túrde jabylady.