Qazaqstandyq kınematograftyń metri qurmetine taǵaıyndalǵan marapat bes nomınasıa boıynsha berildi
Almatyda Qazaqstannyń Halyq ártisi, teatr jáne kıno akteri Asanáli Áshimovtiń 85 jyldyǵyna arnalǵan «Ańyz Asanáli» atty saltanatty kesh ótti, dep habarlaıdy Almaty-akshamy.kz.
Parlament Senatynyń tóraǵasy Máýlen Áshimbaev, Almaty qalasynyń ákimi Erbolat Dosaev, mádenıet jáne sport mınıstri Dáýren Abaev quttyqtaý sózderin aıtty. Saltanatty sharaǵa mádenıet qaıratkerleri, aqyndar, jazýshylar jáne t. b. qatysty.
Keshtiń basty oqıǵasy «Asanáli» syılyǵymen marapattaý boldy. Qazaqstandyq kınematograftyń metri qurmetine taǵaıyndalǵan marapat bes nomınasıa boıynsha berildi. Azamat Satybaldy úzdik kınoakter atandy, teatrdyń úzdik akteri – Zarına Karmen, úzdik kınorejısser – Ádilhan Erjanov, úzdik teatr rejıseri – Gaýhar Adaı jáne «teatr jáne kıno ónerine qosqan úlesi úshin» syılyǵyn Lıdıa Kadenova aldy. Jeńimpazdarǵa 1 mln teńge kóleminde aqshalaı syıaqy berildi.
