26-29 tamyz aralyǵynda Tájikstannyń mádenıet kúnderin toılaý aıasynda Qazaqstanda birqatar mádenı-buqaralyq is-shara josparlanǵan.
Almatyda Abaı alańynda (Dostyq dańǵyly men Abaı dańǵylynyń qıylysy) Tájikstan Respýblıkasy Hatlon oblysynyń tóraǵasy Saıd Davlatalı myrzanyń qatysýymen tájik aýyl sharýashylyǵy jáne ónerkásip ónimderiniń kórmesi ótedi, dep habarlaıdy Almaty-akshamy.kz.
«Alataý» dástúrli óner teatrynda rejıser Nosır Saıdovtyń «Zerkalo bez otrajenıa» kórkem fılmi kórsetilip, eki eldiń mádenıet jáne ádebıet qaıratkerleriniń kezdesýi ótedi.
Baǵdarlamada sonymen qatar, Almatyda Tájikstan Respýblıkasynyń halyq shyǵarmashylyǵy, ulttyq kıimder, kartınalar men fotosýretter kórmeleriniń ashylý saltanaty kózdelgen.
Mádenıet kúnderin toılaý Tájikstan óner sheberleriniń saltanatty konsertimen aıaqtalady, onda TR Mádenıet mınıstri Zýlfıa Davlatzoda quttyqtaý sóz sóıleıdi.
BAQ-y +7 705 187 6990 telefon nómirine habarlasý arqyly tirkelse bolady.
Masrýr Radjabov, Tájikstan Respýblıkasynyń Almaty qalasyndaǵy Bas konsýldyǵynyń qyzmetkeri