Almaty sanıtarlyq qaýipsizdikti saqtaý jáne juqpaly aýrýlardyń taralýynyń aldyn alý boıynsha belsendi jumys júrgizýde. 2024 jyly qalada sý, aýa monıtorıńi jáne qoǵamdyq oryndardy dezınfeksıalaýdy qamtıtyn epıdemıaǵa qarsy aýqymdy is-sharalar ótkizildi. Bul týraly Almaty qalasynyń sanıtarlyq-epıdemıologıalyq baqylaý departamentiniń basshysy Qasymhan Alpysbaıuly Óńirlik komýnıkasıalar qyzmetiniń baspasóz konferensıasynda habarlady, dep habarlaıdy aqshamnews.kz
«Almaty kene ensefalıtiniń endemıkalyq aımaǵynda ornalasqan, sondyqtan saıabaqtardy, orman alqaptary men sý aıdyndaryn óńdeýge erekshe kóńil bólinedi», - dedi Almatynyń bas memlekettik sanıtarlyq dárigeri.
Onyń aıtýynsha, profılaktıka aıasynda 4 733 gektar aýmaqta orman alqaptary men saıabaqtardy óńdeý jumystary júrgizildi. Bezgek masalarymen kúresý úshin 74,4 gektar sý qoımasy óńdeldi. Qoldanylǵan «Delteks» preparaty 100% tıimdilik kórsetti.
Sondaı-aq Qasymhan Alpysbaıuly Almatyda turǵyndardyń sanıtarlyq qaýipsizdigin qamtamasyz etý jumystary jalǵasyp jatqanyn atap ótti. 2024 jyly 16 myń nysan baqylaýda bolsa, onyń 5930-y epıdemıologıalyq mańyzy joǵary.
«Bizdiń qyzmetterimiz yqtımal indetterdiń aldyn alý jáne almatylyqtardyń ómir súrýine qaýipsiz jaǵdaı jasaý úshin táýlik boıy jumys isteıdi. Biz qaladaǵy kásiporyndarǵa, sý qoımalaryna jáne aýaǵa qatań sanıtarlyq baqylaý júrgizemiz», - dedi Qasymhan Alpysbaıuly.
Qabyldanǵan sharalardyń arqasynda Almatydaǵy epıdemıologıalyq jaǵdaı turaqty, al ınfeksıasynyń kópshiligimen syrqattanýshylyq deńgeıi respýblıkalyq kórsetkishten tómen. Qabyldanǵan sharalardyń arqasynda Almatydaǵy epıdemıologıalyq jaǵdaı turaqty, al ınfeksıalardyń kópshiligimen syrqattaný deńgeıi ortasha, ıaǵnı respýblıkalyq deńgeıden tómen bolyp otyr.