Almatyda Óktem Altaev referendýmǵa qatysty.
Tanymal qazaqstandyq ánshi Óktem Altaev atom elektr stansıasyn (AES) salý máselesi boıynsha referendýmǵa qatysty. Ónerpaz №26 qalalyq emhanaǵa qarasty №510 saılaý ýchaskesine keldi.
«Men referendýmǵa qatysý árbir azamat úshin mańyzdy qadam dep sanaımyn. Bul – óz pikirińdi bildirip, eldiń damýyna úles qosýǵa úlken múmkindik. Jas býynnyń referendýmǵa qatysýy osy tarıhı oqıaǵynyń mańyzdylyǵyn jáne jańa urpaqtyń azamattyq belsendiligin kórsetedi. Qazirgi qoǵam aldynda turǵan zamanaýı syn-qaterler jaǵdaıynda mundaı is-sharalar ózekti jáne qajetti», – dep atap ótti Óktem Altaev.
Eske salaıyq, búgin Qazaqstan aýmaǵynda AES salý máselesi boıynsha respýblıkalyq referendým ótip jatyr. Keıbir saılaý ýchaskelerinde kezek baıqalýda, sebebi almatylyqtar tańerteńnen bastap turǵylyqty jerlerinde belsendi daýys berýde.