Óńirlik komýnıkasıalar alańynda Almaty qalasynyń aýmaqtyq saılaý komısıasynyń tóraıymy Aıgúl Qalyqovanyń qatysýmen brıfıń ótti.
Spıker jýrnalıserge OSK otyrysynda daýys berýge arnalǵan búletenge saıası partıalardyń ataýlaryn engizý tártibi týraly máseleniń qaralǵanyn aıtty, dep habarlaıdy Almaty-akshamy.kz.
Jerebe tartý qorytyndylary boıynsha partıalyq tizimder boıynsha saılanatyn Parlament Májilisiniń depýtattaryn saılaýda saıası partıalardyń ataýlaryn saılaý búlletenine engizý tártibi:
1. AMANAT partıasy;
2. «Aýyl» partıasy;
3. «Respublica» partıasy;
4. Qazaqstan Halyq partıasy;
5. Qazaqstannyń «Baıtaq» Jasyldar partıasy;
6. «Aq Jol» partıasy;
7. Jalpyulttyq sosıal-demokratıalyq partıa.
Bul tártip proporsıonaldy júıe boıynsha saılanatyn oblystardyń, respýblıkalyq mańyzy bar qalalardyń jáne astananyń máslıhattarynyń depýtattaryn saılaýda paıdalanylatyn bolady.
«Búletenge Almaty qalasy boıynsha tirkeýden ótken 6 partıa engizilgen. Almaty qalasy máslıhatynyń depýtattaryn partıalyq tizimdermen saılaý boıynsha 6 saıası partıanyń 153 kandıdattan turatyn partıalyq tizimderi usynyldy. Olardyń 149-y tirkeldi», - dep habarlady A.Qalyqova.
Onyń aıtýynsha, saıası partıalar qujattardy saılaý týraly Konstıtýsıalyq zańnyń talaptaryna sáıkes usynady. Árbir partıalyq tizimde áıelder men 29 jasqa tolmaǵan adamdardyń sany keminde 30 paıyzdy quraıdy.
Almaty qalasy máslıhatynyń depýtattaryn saılaý boıynsha birmandattyq aýmaqtyq saılaý okrýgteri boıynsha 210 kandıdatýra usynyldy. 18.02.2023 jylǵy saǵat 18.00-degi jaǵdaı boıynsha tirkelgender: 21 birmandattyq okrýg boıynsha 170 úmitker.
Belgili bolǵandaı, úmitkerlerdiń 3-eýi usynylǵannan keıin óz kandıdatýralaryn keri qaıtaryp alǵan, 34-i tirkeý úshin qajetti barlyq qujattardy usynbaǵan, taǵy bir adam kanıdat retinde tirkelýden bas tartqan, taǵy eki kandıdat talaptarǵa saı emes dep tanyldy.
Orta eseppen bir mandatqa 8 adamnan keledi. Eń joǵary básekelestik - 12 okrýgte 12 adam. Tirkelgen úmitkerlerdiń 134-i er, 36-sy áıel adam.
Bir mandatty okrýgter boıynsha Almaty qalasynyń máslıhatyna 125 ózin - ózi usynýshy tirkelgen, «AMANAT» partıasynan 20 kandıdat, QHP-3, «Aq jol» QDP-8, «RESPUBLICA» partıasy-2, «Aýyl» HDPP-3, "Qazaqstannyń «Baıtaq» jasyldar partıasy QB – 6 jáne qoǵamdyq uıymdardan 3 kandıdat tirkeldi.
Eń jas úmitker 2002 jylǵy (20 jasta), eń jasy úlkeni 1948 jyly týǵan (74 jasta).
2023 jyldyń 22 aqpany saǵat 18.00-degi jaǵdaı boıynsha, Qazaqstan Respýblıkasynyń Sybaılas jemqorlyqqa qarsy is-qımyl týraly zańnamasyna sáıkes kandıdat nemese onyń jubaıy (zaıyby) deklarasıalaǵan aktıvter men mindettemeler týraly málimetterdiń durys emestigi deklarasıa tapsyrý kezinde anyqtalǵandyqtan ("Qazaqstan Respýblıkasyndaǵy saılaý týraly" Qazaqstan Respýblıkasy Konstıtýsıalyq zańy 89-babynyń 4-3-tarmaǵynyń 4-tarmaqshasy) birmandattyq okrýg boıynsha QR Parlamenti Májilisi depýtattyǵyna 3 kandıdatty tirkeý týraly sheshim kúshin joıdy:
- № 3 okrýg boıynsha 1 kandıdat. Osylaısha onda 36 kandıdat qaldy.
- 2 kandıdat № 5 okrýgtiki. Ol jerde 32 kandıdat qaldy.
Jalpy esepke keler bolsaq, 104 kandıdattyń 101-i qaldy.
Almaty qalasy máslıhatynyń depýtattaryn birmandattyq aýmaqtyq saılaý okrýgteri boıynsha saılaýǵa qatysty da uqsas jaǵdaı bolyp, (Konstıtýsıalyq zańnyń 104 b. 6-1 t. 4 t.). birneshe kandıdattardy tirkeý týraly sheshim kúshin joıdy:
- 1 kandıdat № 7 okrýgten. Osylaısha 11 kandıdattan 10-y qaldy.
- 1 kandıdat bolsa, № 17 okrýgten. Olarda 9 bolsa, qazir 8-i qaldy.
Barlyǵy 170 kandıdattan 168-i qaldy.