Mýzeı kınoteatrynda «Kóshpendi», «Biz osynda turamyz» fılmderiniń kórsetilimi ótedi
QR Memlekettik Ortalyq mýzeıinde 2022 jyldyń 21 qazanynda saǵat 15.00-de Respýblıka kúnine arnalǵan «Gúldene ber, meniń Qazaqstanym» patrıottyq is-sharasy ótedi, dep habarlaıdy Almaty-akshamy.kz.
Respýblıka kúni – Táýelsiz Qazaqstannyń ómirindegi mańyzdy kún. Qazaqstan Prezıdenti Qasym-Jomart Toqaev ulttyq mereke mártebesin Respýblıka kúnine qaıtarýdy usyndy. Bul kún elimizdiń memlekettilikke degen batyl qadamynyń sımvolyna aınalýy tıis ekenin atap ótti.
İs-sharanyń maqsaty – stýdentterdiń Qazaqstan Respýblıkasynyń damý jáne qalyptasý joly týraly bilimderin baıytý, elimizdiń tarıhyna degen qyzyǵýshylyq pen qurmetti qalyptastyrý, patrıottyq sezim men týǵan jerge degen súıispenshilikke tárbıeleý.
İs-shara aıasynda kelýshiler nazaryna Qazaqstan Respýblıkasy Ulttyq Ulannyń «Jaýyngerlik januıadaı uıysqan, ulttyq ulan – eli men halqyna qorǵan» kórmesi usynylady (fotosýretter, kitaptar, marapattar jáne t.b.).
İs-shara baǵdarlamasynda: mektep oqýshylarynyń «Bizdiń Otanymyz - Qazaqstan» atty qoıylymy, mektep oqýshylarynyń Respýblıka kúnine arnalǵan óleń oqýlary, slaıd-shoý, «Uly elim meniń» vıktorınasy, konsert, Oral Tańsyqbaev atyndaǵy Respýblıkalyq sándik-qoldanbaly óner kolejinen dástúrli qolóner túrleri, «Tvorım vmeste» keskindeme mektebi men «Giraffe ar tschool» qosymsha bilim berý ortalyǵynan sándik-qoldanbaly óner boıynsha sheberlik-sabaqtar. Merekelik kúni mýzeı kınoteatrynda «Kóshpendi», «Biz osynda turamyz» fılmderiniń kórsetilimi ótedi.
«Gúldene ber, Qazaqstanym» patrıottyq is-sharasyn ótkizý óskeleń urpaqty adamgershilik-patrıottyq tárbıeleýge jáne shyǵarmashylyq turǵydan damytýǵa yqpal etedi.