«Inovasıalyq tehnologıalar parki» arnaıy ekonomıkalyq aımaǵynda elektrotehnıkalyq jabdyqtar men elektr energıasyn taratý júıelerin shyǵaratyn zaýyt iske qosyldy, Almaty-akshamy.kz
Investısıalyq jobany 1976 jyldan bastap munaı - gaz jáne elektrotehnıkalyq ónimder naryǵynda belsendi oıynshy bolyp tabylatyn malaızıalyq kompanıanyń Ortalyq Azıa ókildigi – «OISB Kazakhstan» JSHS júzege asyryp keledi. Óndiris prosesinde «RAWAK SMART» tómen vóltty júıesiniń ınovasıalyq tehnologıasy qoldanylatyn bolady.
Jobany iske asyrýǵa alańy 0,6 ga jer ýchaskesi bólindi, jobanyń quny 980 mln teńge, munda 50 jumys orny ashylatyn bolady. Kásiporynnyń óndiristik qýaty jylyna 2 myńǵa jýyq ónim shyǵarýǵa eseptelgen.
«ITP» arnaıy ekonomıkalyq aımaǵy Almatynyń Medeý aýdanyndaǵy 163 ga aýmaqta ornalasqan.Memleket tarapynan ınjenerlik-kommýnaldyq ınfraqurylymnyń, birinshi kezektegi ǵımarattardyń, ákimshilik keńseniń qurylystary júzege asty. «ITP» AEA qatysýshylaryna salyq jáne kedendik júktemeni tómendetý bóliginde túrli preferensıalar men jeńildikter beriledi.
Búginde «ITP» AEA rezıdentteri -160 kompanıa olardyń 55-i (Kolesa Group, Azimut Labs, PayBox, jeke Kasa jáne t. b.). «ITP» AEA aýmaǵynda ornalasqan, qalǵan 105 kompanıa (Kaspi Cloud, Eltex Alatau, Nero Lab, Asaq, prima Group, Almaty Enterprising Company jáne t. b.) baǵdarlamalyq qamtamasyz etýdi ázirleý salasynda qyzmetterin «eksaýmaqtylyq» qaǵıdaty boıynsha júzege asyrady.
AEA qurylǵan sátten bastap onyń qatysýshylary 6 727 jumys ornyn qurdy, 50,69 mlrd.teńge ınvestısıa tartty, 34,7 mlrd. teńge somasynda salyq jáne búdjetke tólemder tústi, 493,7 mlrd. teńgeniń ónimi shyǵaryldy, ózge de qyzmetter kórsetildi, eksport kólemi 7,46 mlrd. teńgeni qurady.