Joldy jóndeý jáne jol ınfraqurylymyn damytýdyń odan arǵy jospary jaıly ÓKQ brıfıńinde Almaly aýdanynyń ákimi Aıdar Jaqybaev aıtyp berdi.
Almaly aýdanynyń basshysy joldardy ortasha jóndeý aıasynda uzyndyǵy 24,2 km 16 kósheni jóndeý josparlanǵanyn atap ótti, dep habarlaıdy Almaty-akshamy.kz.
Búgingi tańda uzyndyǵy 22 km-den asatyn 14 kóshe boıynsha jumystar aıaqtaldy. Qarasha aıynyń sońyna deıin Radostoves jáne Chaıkovskıı kóshelerinde jóndeý jumystaryn aıaqtaý josparlanýda.
Sonymen qatar, aýdanda trotýarlarǵa aýqymdy jóndeý jumystary júrgizilýde. 14 mekenjaı boıynsha 6,1 shaqyrymnan astam trotýarlardy qaıta jańartý jáne salý jumystary júrgizildi.
«Jol qozǵalysyna qatysýshylardyń qaýipsizdigin qamtamasyz etý maqsatynda eki kezeń aıasynda 29 myń m2 jol aǵymdaǵy jóndeýmen qamtyldy», - dep tolyqtyrdy A. Jaqybaev.
Aýdan aýmaǵynda uzyndyǵy 170 km-den asatyn 110 kóshe bar, onyń ishinde magıstraldyq mańyzy bar 35 kóshe, aýdandyq mańyzy bar 30 kóshe jáne jergilikti mańyzy bar 45 kóshe.
Úshinshi kezeń boıynsha jumystar júrgizilýde, onyń sheńberinde 10 myń m2 joldy jóndeý josparlanýda. Osylaısha, aýdannyń joldaryn aǵymdaǵy jóndeý boıynsha jumystardyń jalpy kólemi jyl sońyna deıin shamamen 40 myń m2 quraıdy.
Sonymen qatar, 13 kóshe boıynda 19 myń m2 tehnıkalyq trotýar salý josparlanýda. Búgingi tańda Gandı saıabaǵynyń aınalasyndaǵy Jarokov jáne Jambyl kósheleri boıynsha jumystar aıaqtaldy. Sondaı-aq, Jeltoqsan, Naýryzbaı batyr, Qurmanǵazy, Shevchenko, Maqataev, Mámetov sıaqty alty kóshe boıynsha jumystar júrgizilýde.
Aýdan ákimi óz sózinde kósheler men trotýarlardy sý basýdyń aldyn alý úshin aryq jelilerin salý jáne rekonstrýksıalaý jumystary júrgizilip jatqanyn atap ótti. Búgingi tańda bul jumystar uzyndyǵy 10 km-den astam ýchaskelerde aıaqtaldy: Manas kóshesi; Shevchenko kóshesi; Volhovskaıa kóshesi; Qurmanǵazy kóshesi; Lıhachev kóshesi; Túrkebaev kóshesi; Qabanbaı batyr kóshesi jáne t. b.
«Almaly aýdanynda 219 shaqyrym aryq jelisi bar. Problemalyq 23 aryqtyń 2-ýi qaldy,olar: Raıymbek kóshesi 1, Mehanıcheskaıa kóshesiniń qıylysy jáne Maqataev kóshesi 1, Sháripov kóshesiniń qıylysy. Almaty qalasynyń Ekologıa jáne qorshaǵan orta basqarmasy 52 kóshe boıynsha 42 km aryq jelilerin salý jáne qaıta jańartý boıynsha joba ázirledi. Aǵymdaǵy jyldyń sońyna deıin 2 km aıaqtalady, qalǵan 29 km 2024 jyly aıaqtalady dep josparlanýda», - dep qorytyndylady A. Jaqybaev.