Tergeý amaldary men jedel is-sharalar júrgizilýde
Almatyda qarý-jaraq arsenaly saqtalǵan taǵy bir oryn tabyldy, dep habarlaıdy Almaty-akshamy.kz. Almaty qalasynyń krımınaldyq polısıa qyzmetkerleri QR UQK Almaty departamentiniń kómegimen Medeý aýdanyndaǵy baǵbandyq seriktestikterdiń biriniń aýmaǵynan qarý jasyrylǵan oryndy tapty.
«Ol jerde qańtardaǵy tártipsizdikter kezinde Almaly aýdanyndaǵy qarý-jaraq dúkeninen urlanǵan Saıga-410K tegis uńǵyly karabın, PM travmatıkalyq tapanshasy, 2 IJ tegis uńǵyly myltyǵy, Makarov júıesi tapanshasynyń patrondary, 9 mm kalıbrli, 12 kalıbrli patrondar, sondaı-aq 7,62 kalıbrli patrondar jasyrylǵan. Tárkilengen qarý saraptamaǵa jiberildi», - dep habarlady Almaty qalalyq polısıa departamentinen.
Atalǵan derek Medeý aýdandyq polısıa basqarmasynda QR QK-niń 287-baby 3-bóligi boıynsha tirkeldi.
«Arsenaldyń qaıdan shyqqany tergeý amaldary men jedel is-sharalar júrgizilgennen keıin belgili bolady», - dep atap ótti vedomstvodan.