Almatyda ózin «áleýmettik qyzmetker» retinde tanystyrǵan áıel adam qarttardy aldap kelgen.
«Áleýmettik qyzmetker» egde jastaǵylardyń senimine kirip, aqashalaryn jymqyryp ketken, dep habarlaıdy Almaty-akshamy.kz Polisia.kz-ke silteme jasap.
«Osy qylmystardy jasady degen kúdikpen Almaty oblysynyń 38 jastaǵy turǵyny ustaldy. Jábirlenýshilerdiń aıtýynsha, áıel páterge kirip, ózin áleýmettik qyzmetkermin dep tanystyryp, qandaı da bir járdemaqy alamyn degen jeleýmen iri kólemde aqsha aıyrbastap berýdi suraǵan, áńgimelesýshi bólmege kirip ketken kezde, ol aqshany urlaǵan. Keltirilgen zalal ártúrli somany qurady: bir zeınetker as úıge baryp kelgenshe, qaskóı 1 mıllıon teńgeni urlap, barlyq aqshany jeke qajettilikterine jumsaǵan. Qazirgi ýaqytta ustalǵanǵa qatysty eki birdeı epızod dáleldendi», – dedi Almaly aýdandyq polısıa basqarmasynyń bastyǵy Esen Ysqaqov.
Eki jábirlenýshi – 1929 jáne 1930 jyly týǵan zeınetkerler kúdiktini tanydy. Biraq polısıa qyzmetkerleri jábirlenýshilerdiń kóp bolýy múmkin ekendigine senimdi.
Sýrette kórsetilgen áıeldiń qylmystyq áreketinen zardap shekken azamattardy polısıa myna telefon nómirleri arqyly habarlasýlaryn suraıdy: 8-708-707-92-02; 8-705-555-77-63; 8-775-719-27-27.