Bas prokýratýranyń Arnaıy prokýrorlar qyzmeti «QI Trade Kazakhstan» (Qarat Invest) qarjy pıramıdasyn uıymdastyrýshylarǵa qatysty qylmystyq isti tergep-tekserdi.
Olardyń bas ofısi Almaty qalasynda ornalasqan, sondaı-aq óńirlerde 12 fılıal jumys istegen, dep habarlaıdy Almaty-akshamy.kz QazAqparatqa silteme jasap.
Baspasóz qyzmetiniń málimetterine qaraǵanda, «AMAZON» (AQSH) búkilálemdik alańynda saýda jasaý degen atpen senimgerlik basqarý negizinde azamattar paıyz túrinde odan ári kiris alý úshin aqsha salǵan.
Salymshylarǵa salym somasyna baılanysty jyldyq 96%-ǵa deıin paıda ýáde etilgen.
Sonyń saldarynan kompanıa 6 mlrd teńgeden astam somaǵa 1345 azamatqa zalal keltirgen.
Azamattardy aldaý sqemasyn jasaǵandardyń, sondaı-aq kompanıanyń bas ofısi jáne fılıaldary basshylarynyń kinásin prokýratýra dáleldeı aldy.
Nátıjesinde Bostandyq aýdandyq sotynyń úkimimen 15 adam bas bostandyǵynan aıyrýdyń naqty merzimderine jaza (6 jyldan 7 jylǵa deıin) taǵaıyndaýmen kináli dep tanyldy.
«Bas prokýratýra azamattardy qyraǵy bolýǵa, kúmándi uıymdarǵa aqsha salýdan bas tartýǵa shaqyrady», - delingen habarlamada.