Shaharda qar tazalaý jumystary júrýde
Almaty qalasynda 17 qarashada saǵat 14.40-tan bastap qar jaýa bastady. Qar jaýa salysymen 191 qumshashqyshtyń kúshimen joldarǵa kóktaıǵaqqa qarsy materıaldar sebilýde, dep habarlaıdy Almaty-akshamy.kz
Qar tazalaýǵa barlyǵy 554 arnaıy tehnıka birligi men 1482 jol jumysshysy jumyldyryldy.
Trotýarlardy, jaıaý júrginshiler aımaqtaryn, qoǵamdyq kólik aıaldamalaryn, kólik qoıatyn «qaltalardy», kópshilik paıdalanatyn oryndardy qardan tazartý boıynsha jumystar uıymdastyryldy.
Túngi kezeńde 17-18 qarasha aralyǵynda 491 arnaıy tehnıka birligi, onyń ishinde 183 qumshashqysh jáne 323 jol jumysshysy qar tazalaýmen aınalysady dep josparlanýda.
Aýdandyq ákimdikter men merdigerlik kásiporyndarda qar tazalaý jumystarynyń óndirisin baqylaý boıynsha táýlik boıy kezekshilik uıymdastyryldy.
Qazgıdromettiń boljamy boıynsha 18 qarashanyń tańyna deıin qar jaýady dep kútilýde.