20 jeltoqsan kúni saǵat 14:00-den 19:00-ge deıin Almaty qalasynda qar jaýdy. 4 mm jaýyn-shashyn tústi, dep habarlaıdy Almaty-akshamy.kz
Qala boıynsha yńǵaıly qozǵalysty qamtamasyz etý úshin qalanyń komýnaldyq qyzmetteri kúsheıtilgen rejımge aýystyryldy.
Aýdan ákimdikterinde qar tazalaý jumystarynyń barysyn baqylaý júzege asyrylýda.
Negizgi kóshelerdi suıyq kóktaıǵaqqa qarsy reagentpen óńdeý júrgizildi.
Qar jaýǵan kezeńde qalanyń joǵarǵy bóliginde, kólik jolaıryqtarda, sıezerde 118 qum taratqysh arqyly kóktaıǵaqqa qarsy materıaldar sebildi. 624 tonna KQM paıdalanyldy.130 birlik shaǵyn kólemdi arnaıy tehnıkanyń kómegimen trotýarlardy tazalaý jumystary júrgizildi.
Túngi kezeńde kóktaıǵaqtyń aldyn alý maqsatynda 437 birlik, onyń ishinde trotýarlardy tazartýǵa 160 birlik jáne 312 jol jumysshysy jumyldyryldy. 4680 m3 qar shyǵaryldy.
21 jeltoqsan kúni saǵat 08:00-den bastap qar tazalaýǵa 341 birlik tehnıka, 1038 jol jumysshysy jumyldyryldy.
Tazartylatyn aýmaqtyń jalpy alańy 25 mln.m2 quraıdy, onyń ishinde 2 698 km kóshe, 1 304 km trotýar, 1 167 km aryq jáne 3 339 aýla aýmaǵy.
Kóshe-jol jelisiniń jumys kestesi táýlik boıy, kúndizgi aýysym tańǵy 08.00 - den 18.00-ge deıin, túngi aýysym tańǵy 18.00-den 08.00-ge deıin.
«Qazgıdromet» RMK boljamy boıynsha aýa temperatýrasy 21 jeltoqsan kúni tústen keıin 0...+2 gradýs, jaýyn-shashynsyz.