Saltanatty is-sharaǵa Almaty qalasy Mádenıet basqarmasynyń basshysy Ǵanı Maılybaev qatysty. Sham jaǵý rásimine qatysýshylarǵa qazaqstandyq estrada juldyzdary – Roza Rymbaeva, Mádına Sádýaqasova, Álı Oqapov, Mádı Rymbaev, «Jigitter», «Keshú», «Rıngo», «Shamıs» toptary óner kórsetti.
Sondaı-aq, qalanyń qoǵamdyq keńistigi, jaıaý júrginshiler kósheleri: Panfılov, Jibek joly, magıstraldyq kósheler: Sátbaev kóshesi, Tóle bı kóshesi, Maılın kóshesi, Nazarbaev dańǵyly, Ál-Farabı dańǵyly, Abylaı han dańǵyly jáne t.b. jaryq kompozısıalarynyń biryńǵaı stılinde bezendirildi.
Eske sala keteıik, jańa jyl qarsańynda – 31 jeltoqsanda «Astana» alańynda qazaqstandyq estrada juldyzdarynyń qatysýymen konsert ótkizý josparlanǵan.
Konsert sońy merekelik otshashýǵa ulasady. Budan basqa, megapolıstiń turǵyndary men qonaqtary úshin qalanyń barlyq aýdandaryn qamtıtyn jańajyldyq festıval uıymdastyrylady.
Festıvál baǵdarlamasynda halyqtyq karaoke, bı fleshmoby, baıqaýlar, spektáklder, estrada juldyzdarynyń qatysýymen jandy mýzyka, haskımen fotosessıalar, sheberlik synyptary men kórmeler, qalalyq meıramhanalar jáne kafelerdiń gastro-kornerleri (21–31 jeltoqsan aralyǵynda Abaı jáne «Astana» alańdary saǵat 16.00- den 21.00-ge deıin, 27–31 jeltoqsan aralyǵynda ár aýdannyń negizgi alańdarynda saǵat 16.00-den 21.00-ge deıin) bolady jáne 25 jeltoqsanda Aıaz Atalar sherýi ótedi.