TJD ókilderi eskertý jasady
Almatyda 10 qańtar kúni tańerteń jáne tústen keıin qalyń qar jaýyp, tuman, kóktaıǵaq bolady, dep habarlaıdy Almaty-akshamy.kz.
Almaty qalalyq tótenshe jaǵdaılar departamenti «Qazgıdromet» RMK eskertýi negizinde 10 qańtar kúni Almatyda tańerteń, tústen keıin qalyń qar jaýyp, keıde tuman, kóktaıǵaq bolatynyn málimdedi.
Osyǵan oraı, qalalyq TJD ókilderi qala turǵyndary men qonaqtaryna, avtokólik ıelerine eskertý jasady.
«Azamattardan taýly jerlerge barmaýdy, 112 qyzmetiniń SMS-habarlamalaryn, teledıdardaǵy, radıodaǵy, basqa da BAQ-ǵy aqparattardy nazardan tys qaldyrmaýdy suraımyz. Avtokólik ıelerine aǵashtardyń, elektr jelileriniń jáne basqa da ilýli qurylymdardyń astyna kólikterin qoımaýǵa keńes beremiz. Qaýipsiz oryn tabyńyz, arnaıy turaq oryndary bolsa, tipten jaqsy», - delinedi habarlamada.
Eske salsaq, buǵan deıin "Qazgıdromet" Almatyda 10 qańtarda tańerteń jáne kúndiz keı ýaqytta qalyń qar jaýyp, keı ýaqytta tuman, kóktaıǵaq kútiletinin habarlaǵan bolatyn.