2025 jylǵy 26 tamyzda saǵat 21:45-te Almatydaǵy Ortalyq stadıonda ÝEFA Chempıondar lıgasynyń pleı-off kezeńindegi qarymta mach ótedi. «Qaırat» (Almaty) pen «Seltık» (Glazgo) komandalary Eýropanyń basty klýbtyq týrnıriniń toptyq kezeńine joldama úshin baq synaıdy. Jeńilgen komanda Eýropa lıgasynda ónerin jalǵastyrady. 21 tamyzda Glazgodaǵy «Seltık Park» stadıonynda ótken alǵashqy oıyn teń eseppen aıaqtalǵan edi. Sol sebepti aldaǵy kezdesý sheshýshi ári tartysty bolmaq.
Jankúıerlerdiń qaýipsizdigi men jaılylyǵyn qamtamasyz etý maqsatynda aýqymdy uıymdastyrý sharalary kózdelgen:
* Ulttyq gvardıany qosqanda 2000-nan astam polısıa qyzmetkerleri jumyldyrylady;
* joǵary jyldamdyqty ınternetke qosylý, rezervtik elektrmen jabdyqtaý, medısınalyq kezekshilik, sanıtarlyq ınfraqurylym jáne ekologıalyq sharalar.
Jankúıerler úshin qalanyń negizgi núktelerinen Ortalyq stadıonǵa deıin jáne keri qaraı tegin avtobýs marshrýttary uıymdastyrylǵan:
* Qalqaman sh/a (№7 qalalyq aýrýhana aıaldamasy) - Ortalyq stadıon.
* Orbıta sh/a (Mustafın-Toraıǵyrov kósheleriniń qıylysy) - Ortalyq stadıon.
* Aınabulaq sh/a (Maqataev-Pavlodar kósheleriniń qıylysy) - Ortalyq stadıon.
* «Halyq Arena" aıaldamasy (soltústik baǵyt) - Ortalyq stadıon.
* Almaty-1 temirjol vokzalynyń aıaldamasy - Ortalyq stadıon.
* Almaty-2 temirjol vokzalynyń aıaldamasy-Ortalyq stadıon.
* Naýryzbaı aýdanynyń HQKO - Ortalyq stadıon.
* Momyshuly-Móńke bı kósheleriniń qıylysy janyndaǵy aıaldama.
Kólik baǵyttary saǵat 18:00-de bastalady.
Stadıon 18:45-te ashylady.
Barlyq fýtbol jankúıerlerin komandany qoldaýǵa jáne tarıhı oqıǵanyń jankúıeri bolýǵa shaqyramyz!