Keshki kóılekterdi satý syltaýymen azamattardy aldady degen kúdikpen áıel adam ustaldy.
Tergeý barysynda kúdiktiniń Instagram áleýmettik jelisinde "birkúndik" paraqshalar ashyp, áıelder kıimin satatyny jóninde jalǵan habarlandyrýlar jarıalaǵany anyqtaldy, - dep habarlaıdy aqshamnews.kz.
Ol áleýetti satyp alýshylardan aldyn ala tólem aýdarýdy surap, qarajat túskennen keıin baılanysqa shyqpaı, akkaýnttardy buǵattap, hat-habarlardy óshirip otyrǵan. Qazirgi ýaqytta kúdikti ustalyp, oǵan qatysty tergeý amaldarynyń kesheni júrgizilýde. Sondaı-aq onyń osyǵan uqsas basqa da ınternet-alaıaqtyq faktilerine qatysy bary tekserilýde. Alataý aýdandyq polısıa basqarmasynyń bastyǵy Edilhan Baıǵaraevtyń aıtýynsha, mundaı ınternet-alaıaqtyq sqemalar áli de keń taralǵan.
– Alaıaqtar azamattardyń senimine kirip, jalǵan ınternet-dúkenderdiń kórinisin jasaıdy. Osy oraıda turǵyndardy onlaın-satyp alý kezinde barynsha saq bolýǵa, beıtanys tulǵalarǵa aqsha aýdarmaýǵa jáne satýshylardy aldyn ala tekserýge shaqyramyz, – dedi ol.
Polısıa ınternet-alaıaqtyq belgileri anyqtalǵan jaǵdaıda azamattardy dereý ishki ister organdaryna júginýge shaqyrady.